काठमाडौं– नेकपा (एमाले) सांसद विष्णु पौडेलले महाभियोग सिफारिस समितिको बयानका क्रममा आएका कतिपय कुराहरु गलतरुपमा सार्वजनिक सञ्चार माध्यममा समाचार आएको भन्दै सभापतिसँग जवाफ माग गरेका छन्।
शुरुमा विष्णु पौडेल अनि एमाले सांसद शिवमाया तुम्वाहाङफेले पनि पौडेललाई साथ दिँदै बोलेकी थिइन्। उनले महाभियोग चल्दाचल्दै बाहिर गएर सार्वजनिक सञ्चार माध्यमलाई बोल्न मिल्ने कि नमिल्ने जस्ता कुरा उठाइन्।
महाभियोग समितिले जिम्मेवारीपूर्वक काम गर्ने निकायको रुपमा परिकल्पना गरेर जिम्मेवारी दिएको भन्दै उनले समितिमा रहने सदस्यहरुको दृष्टिकोणमा पूर्वाग्रह नहुने बताए। समितिले सकेसम्म सहमतिमै गर्ने नीति लिएको र काम गरेको भन्दै आगामी दिनमा पनि यसैगरी काम गर्नुपर्ने उनले बताए। उनले तीन वटा विषयमा गम्भीर ध्यानाकर्षण गराउन चाहेको बताए। अस्तिको बैठकको अन्तिममा बैठक १ वजे समय तोकिएको तर बैठकबाट हिँडेपछि सूचना ११ बजे आउनु भनेर आएको विषयमा जानकारी माग गरे। सचिवालयले कसको आदेशमा समितिको निर्णय र सभापतिको रुलिङभन्दा पृथक किन गर्नुभयो ? भनी प्रश्न गरे। उनले यस्तो कुराले स्वास्थ्य सुनुवाई र यसको आवश्यकता किन प¥र्यो तथा के हो स्पष्ट हुनुपर्ने बताए।
‘बैठकको काम कारबाहीका बारेमा गलत सूचना नजाओस् र पायक पर्ने सूचना मात्र दिँदाँ राम्रो जाँदैन भनेर लाइभ गरौं भनेको हो’ उनले भने, ‘त्यो प्रस्तावबाट हामी एक कदम पछि हटेर लाइभ नसक्ने भए रेकर्ड उपलव्ध गराउन भनेका थियौं। समितिले त्यही अनुसारकै निर्णय गरेको हो।’ तर अस्तिको बैठकको सन्र्दभमा समितिका सदस्यहरुले सार्वजनिक रुपमा सूचना दिनुभयो त्यसले दुःख लागेको उनले बताए।
‘के महाभियोग समितिमा चोलेन्द्र शमशेर राणाले केपी शर्मा ओली र विष्णु पौडेलको नाम नाम लिएका हुन्’ उनले भने ‘समितिमा राणाले के बोलेका हुन् त्यसको रेकर्ड हेरौं। यो विषयलाई हामीले गम्भीर रुपमा लिएका छौ। २ वटा काम गर्नुपर्छ। समितिको सचिवलाई प्रवक्ता तोकौं र बैठक सकिएपछि रेकर्ड उपलब्ध गराउनुअघि नै गलत जाने भएकाले लाइभ गरौ।’ उनले सभापतिसँग आफूले यसको विषयमा जवाफ माग गरे। उनले छानबिन समितिमा प्रतिपक्ष मौन र सत्ता पक्ष आक्रमक भनी आएकाले अब तोप पड्काउने हो?’ भनी प्रश्न गरे। उनीहरुको प्रश्नपछि सभापति रामबहादुर विष्टले पौडेलको प्रश्नमा जवाफ दिएका थिए। सभापति पौडेलले समितिको बैठकअघि बोलाएको कुरा आफैंले गरेको भन्दै बचाउ गरे।
उनको जवाफ लगत्तै एमाले सांसद तुम्वाहाम्फेले पून आपत्ति प्रकट गरिन्। उनले महाभियोगको बयान चलिरहँदा समितिका सदस्य बाहिर निस्केर ट्विस्ट गरेको आरोप लगाइन्। समिति सभापतिले यस्तो गर्न नमिल्ने भन्दै यसो भनेको छ भने त्यसलाई अब रोक्नुपर्ने बताइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764416325.jpg)
-1764146706.png)
-1763721444.png)
-1763559424.jpg)
-1764080971.png)
