काठमाडौं– नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले शान्तिको महत्त्व युद्धमा सहभागी भएका व्यक्तिले जति अरुले नबुझ्ने बताएका छन्।
मंगलबार काठमाडौंमा आयोजित सुदन किराँतीको ‘पलपलको मृत्यु’ पुस्तकको विमोचनमा बोल्दै अध्यक्ष प्रचण्डले उक्त कुरा बताएका हुन्।
अध्यक्ष प्रचण्डले भने, ‘शान्तिको महत्त्व युद्धमा सहभागी जत्ति गहिरोगरि थाहा हुन्छ अरुलाई हुँदैन। मानिस जातिको विकासक्रमको पछिल्लो चार हजार वर्षकाे इतिहासमा झण्डै साढे तीन हजार वर्ष युद्धमा बितेको छ।’
उनले जनयुद्धको स्मरण गर्दै कुनैपनि बेला मृत्युवरण हुनसक्ने भन्दै ती अप्ठ्यारा क्षण र भोगाइका साथ लागेको बताए। जनयुद्धमा मृत्यु या मुक्तिको संकल्पका साथ लागेको प्रचण्डले स्मरण गरे।
उनले भने, ‘जीवनको महत्त्व, जीवनप्रतिको अनुराग, संवेदना, त्यसको गहिराइ, त्यसको उचाइ त्यो कठिन दिनमा जति थियो अहिले छैन। अहिले भौतिक रुपले सुरक्षित त छौं। हामी मन्त्री, प्रधानमन्त्री,मन्त्री, माननीय पनि भएका छौं।’
प्रचण्डले जीवनको आनन्दभूति गर्न नसकेको र यसको औचित्य र सार्थकता पाउन नसकेको बताए। उनले अहिले आफूलाई लाखौं मानिसको बीचमा भएपनि एक्लो अनुभूति हुने गरेको बताए।
‘हामीले समाजावादको यात्रा छोडेका छैनौं। हामी जाने समाजवाद मै हो। त्यसैले गर्दा हामीलाई त्यसतर्फको उद्देश्यमा निरन्तर रुपमा लागेका छौं,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764421784.jpg)
-1764421490.jpeg)
-1764416325.jpg)
-1764146706.png)
-1763721444.png)
-1763559424.jpg)
-1764080971.png)
