माओवादी एमालेको नाम भजाएर कांग्रेससँग भाग माग्दैछ : शंकर पोख्रेल

राजनीति

नेपाल लाइभ आइतबार, भदौ २६, २०७९ १६:०६

दाङ : नेकपा एमालेका महासचिव शंकर पोखरेलले सिट बाँडफाँटमा सहमति नजुट्दा गठबन्धनमा लफडा भइरहेको बताएका छन्। उनले माओवादीले एमालेको नाम भजाएर कांग्रेससँग भाग मागिरहेको दावी समेत गरे।

प्रेस चौतारी नेपाल दाङले आज घोराहीमा गरेको पत्रकार सम्मेलनमा बोल्दै महासचिव पोखरेलले माओवादीसँग यो चुनावमा कुनै खालको गठबन्धन नहुने भन्दै आवश्यकता अनुसार स्थानीय स्तरमा गठबन्धन गर्ने व्यवस्था मिलाइएको पनि बताए।

महासचिव पोख्रेलले आसन्न प्रतिनिधि सभा निर्वाचनमा दाङ-२ बाट प्रतिनिधि सभा सदस्यमा आफू लड्ने घोषणा पनि गरे। दाङ-२ बाट प्रतिनिधि सभा सदस्यको चुनाव लडेर जित्ने र संसदको यात्रा तय गर्ने उनको दावी थियो।

दाङलाई स्थायी राजधानी बनाउन आफूले बोले अनुसारको बाचा पूरा गरेको भन्दै उनले अहिले पाँच दलीय गठबन्धन सरकारले स्थायी राजधानीमा सबै संरचना सार्न आलटाल गरिरहेको आरोप लगाए।

'मुलुकमा पाँच दलीय गठबन्धनको सरकार भएका कारण स्थायी राजधानी दाङको भालुवाङमा प्रदेश भवनदेखि सबै मन्त्रालय सार्ने उसैको जिम्मेवारी हो। छिट्टै सबै स्थायी राजधानीमा सर्छ होला भन्ने मैले विश्वास लिएको छु,’ पोखरेलले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एन्फा महिला लिग फुटबलः पुलिसले आर्मीलाई हराउँदै फाइनमा

नाइजेरियामा भिडन्त हुँदा २२ सैनिकको मृत्यु

राष्ट्रको विकासमा सबैको भूमिका महत्त्वपूर्ण : पूर्वराष्ट्रपति भण्डारी