साफ यू-१७ मा शुक्रबार नेपालले भारतको सामना गर्दै

फुटबल

नेपाल लाइभ शुक्रबार, भदौ २४, २०७९ ०७:२४

काठमाडौं– साफ यू-१७ च्याम्पियनसिप फुटबलमा नेपालले शुक्रबार भारतको सामना गर्दैछ।

श्रीलंकाको कोलम्बोस्थित रेस कोर्स ग्राउण्डमा नेपाल र भारतबीचको खेल नेपाली समय अनुसार दिउँसो ३:४५ बजे सुरु हुनेछ।

नेपाल भारतलाई हराउँदै समूह विजेता बन्दै सेमिफाइनलमा पुग्ने योजनामा छ । तर, भारतलाई हराउँन नेपाललाई सहज भने छैन । भारत पनि नेपाललाई हराएर समूह विजेता बन्न चाहन्छ।

समूह 'बी' मा रहेका नेपाल र भारत यस अघि नै सेमिफाइनल पुगिसकेका छन्। ३ अंक जोडेको नेपाल समूहको दोस्रो र भारत शीर्ष स्थानमा छ ।

नेपालले पहिलो खेलमा भुटानलाई २-१ गोल अन्तरले हराएको थियो। भारतले पनि भुटानलाई ३-० ले हराएको थियो। दुबै खेलमा हार व्यहोरेको भुटान बाहिरिसकेको छ ।

यू-१७ अन्तर्गत नै शुक्रबार हुने दोस्रो खेलमा श्रीलंका र माल्दिभ्स भिड्ने छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कांग्रेस महामन्त्री शर्मा सगरमाथा आरोहण गर्दै

उमागौरी सहकारीको मुद्दामा सक्कल मिसिल झिकाउने आदेश

तीनकुनेको आपराधिक घटनामा संलग्नलाई थप ७ दिन हिरासतमा राख्न अनुमति