रोजगारीका लागि दुबई पठाइदिने भन्दै ३८ लाख ठगी गर्ने व्यक्ति समातिए

सुरक्षा/अपराध

नेपाल लाइभ आइतबार, भदौ १२, २०७९ १६:५८

काठमाडौं– वैदेशिक रोजगारीका लागि दुबई पठाउने भन्दै ३८ लाख रुपैयाँ ठगी गरेको आरोपमा प्रहरीले एक जनालाई पक्राउ गरेको छ।

पक्राउ पर्नेमा नवलपरासी पश्चिमको प्रतापपुर गाउँपालिका–२ गोपिगञ्जका ३४ वर्षीय भोजबहादुर चौधरी छन्। उनलाई काठमाडौं उपत्यका अपराध अनुसन्धान कार्यालयको टोलीले भदौ १० गते सामाखुसीबाट पक्राउ गरेको हो।

नरबहादुर बस्नेतसहितका व्यक्तिलाई दुबई जानका लागि प्रतिव्यक्ति ८ लाख रुपैयाँ लाग्ने भन्दै रकम लिएर ठगी गरेको पाइएको छ।

दुबईमा आर्म्स गार्डमा काम लगाइदिने र मासिक एक लाख रुपैयाँ तलब हुनेभन्दै उनले प्रलोभन देखाएर ठगी गरेको पाइएको छ।

पक्राउ परेका चौधरीलाई थप अनुसन्धान तथा कारबाहीका लागि वैदेशिक रोजगार विभाग पठाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात