फाइल तस्बिर
काठमाडौं– यात्रुवाहक बस मात्रै होइन् बिरामी बोक्ने एम्बुलेन्स र विद्यार्थी बोक्ने स्कूल बससमेत चालकले मादक पदार्थ सेवन गरी चलाउने गरेको पाइएको छ।
काठमाडौं उपत्यका ट्राफिक प्रहरी कार्यालयले गर्दै आइरहेको विशेष सुरक्षा चेकिङका क्रममा एम्बुलेन्स र स्कूल बस चालकलेसमेत मापसे गरी सवारी चलाउने गरेको पाइएको हो।
ट्राफिक प्रहरी कार्यालयले विशेष चेकिङका क्रममा ट्राफिक नियम उल्लंघन् गर्ने २ सय २७ सवारी चालकलाई कारबाही गरेको छ। जसमध्ये तीन जना एम्बुलेन्स चालक रहेका छन् भने एक जना स्कूल बसका चालक रहेका छन्। उनीहरुले मादक पदार्थ सेवन गरी सवारी चलाएको पाइएको छ।
यस्तै कारबाहीमा पर्नेमध्ये १ सय २५ जना पानी ट्याङ्करका चालक रहेका छन् भने ९८ जना अन्य सवारी चालक रहेको ट्राफिक प्रहरीले जनाएको छ।
जसमा मापसे गरी बा ८ च ४३९७ नम्बरको एम्बुलेन्स चलाउने चालक १ जना, बा १९ च ८५४८ नम्बरको पानि बोक्ने सवारी साधनका चालक १ जना, बा २ क ३२७९ नम्बरको बालकुमारीस्थित कान्जिरोवा स्कूलका बस चालक १ जना र बा ९ च ९४६२ नम्बरको सवारी साधनका चालक १ एक जना रहेका छन्।
यस्तै अवस्था ठिक नभएका सवारी चलाउने ५२ जना, सवारी चालक अनुमति पत्र प्राप्त नगरी सवारी चलाउने ११ जना र अन्य कसुरमा १ सय ६० जना चालकहरू पनि कारबाहीमा परेको काठमाडौं उपत्यका ट्राफिक प्रहरी कार्यालयका प्रवक्ता एवं प्रहरी वरिष्ठ उपरिक्षक राजेन्द्र प्रसाद भट्टले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_dAAVqRhDaH-1773571207.jpg)
-1764146706.png)
