नेपाल र अमेरिकी सेनाको संयुक्त तालिम सुरु हुँदै

सुरक्षा/अपराध

नेपाल लाइभ मंगलबार, साउन ३१, २०७९ ०६:१९

फाइल तस्बिर।

काठमाडौं– नेपाली सेनाले मंगलबारदेखि अमेरिकी सेनासँग संयुक्त तालिम गर्दैछ।

सेनाले आउँदो भदौ ३१ गतेसम्म एक महिना ‘एक्स–ब्यालेन्स नेल २२-५५३०’ तालिम सञ्चालन गर्न लागेको हो।

नेपाली सेनाका अनुसार यो तालिम विगतकै निरन्तरतामा उनन्चालिसौं संस्करण रहेको र यसमा सेनाको श्री सिंह महावीर योजना तथा समन्वय महाशाखाअन्तर्गतका रेञ्जर गणहरु सहभागी हुनेछन्।

तालिममा नेपाली सेनाबाट ८० जना र अमेरिकी सेनाका १६ जना गरी जम्मा ९६ जना सहभागी हुने जनाइएको छ। उक्त संयुक्त तालिममा ‘ल अफ आर्म्ड कन्फ्लिक्ट, मिलिटरी डिसिजन मेकिङ प्रोसेस लगायतका विषयमा तालिम दिइनेछ। तालिम छाउनी, नगरकोट इलाकामा सञ्चालन हुने सेनाले जनाएको छ।

संयुक्त तालिममा अमेरिकी सेनाको टुकडीको कमाण्ड क्याप्टेन ब्ल्याक डुकटेलले गर्ने भएका छन्। डुकटेलको नेतृत्वमा सेना टोली सोमबार नै नेपाल आइपुगिसकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यस्तो छ आजको तरकारी र फलफूलको मूल्य

यस्तो छ विदेशी मुद्राको विनिमयदर

बढ्न थाल्यो देशभरको तापक्रम