काठमाडौं– अखिल नेपाल फुटबल संघ (एन्फा) ले नेपाली फुटबलकै पहिलो फ्रेन्चाइज नेपाल सुपर लिग (एनएसएल) दशैं लगत्तै आयोजना गर्न दिने निर्णय गरेको छ।
सातदोबाटोस्थित एन्फा मुख्यालयमा जारी कार्यसमितिको दोस्रो बैठकले एनएसएसको दोस्रो संस्करण सञ्चालनका लागि असोज २३ देखि मंसिर २ गतेसम्मको मिति तोकेको हो।
एन्फाका पूर्वअध्यक्ष कर्मा छिरिङ शेर्पाको नेतृत्वमा एनएसएल सुरू भएको थियो। शेर्पाकै कार्यकालमा एनएसएलमा खेलाडी आबद्ध हुन क्लबलाई जानकारी नदिइ फ्रेन्चाइज टोलीमा गएको भन्दै ‘ए’ डिभिजनका थ्री स्टार क्लब, मनाङ मर्स्याङ्दी क्लब, संकटा क्बल र न्युरोड टिम (एनआरटी)ले विरोध जनाएका थिए।
शेर्पाको कार्यकालमा पनि एनएसएल सम्बन्धमा छलफल भएको थियो। त्यसबेला एन्फाका पदाधिकारी चुनावी माहोलमा होमिँदा एनएसएल विवाद त्यतिकै रहन पुग्यो। असन्तुष्ट चार क्लब नेम्वाङ नजिककै मानिन्छन्।
६ असारमा सम्पन्न निर्वाचनमा शेर्पालाई नेम्वाङले हराउन चारै क्लबले महत्त्वपूर्ण भूमिका निर्वाह गरेका थिए। एन्फामा आफ्नै पक्षधरका पदाधिकारी आएपछि एनएसएलको विवादबारे छलफल भएको हो।
यी चार क्लबले एनएसएलसँगको सम्झौता रद्दका लागि एन्फासँग माग गरेका थिए। एन्फाले सम्झौता रद्द गर्नका लागि कार्यसमितिमा सिफारिस गर्ने निर्णय गरिसकेको छ।
अघिल्लो कार्यसमितिले एनएसएल आयोजक नेपाल स्पोर्टस म्यानेजमेन्ट एन्ड इभेन्ट कम्पनीलाई भदौ २५ देखि कात्तिक ५ गतेसम्म दोस्रो संस्करण आयोजनाको स्वीकृति दिएको थियो।
गत वर्ष पहिलोपटक आयोजना भएको एनएसएलमा ७ टोलीको सहभागिता रहेको थियो। आयोजकले दोस्रो संस्करणका थप ३ समावेश गर्दै १० टोलीको नाम यसअघि नै सार्वजनिक गरिएको छ।
यसपटक विराटनगर सिटी एफसी, विरगञ्ज युनाइटेड एफसी, बुटवल लुम्बिनी एफसी, धनगढी एफसी, एफसी चितवन, झापा एफसी, काठमाडौं रेजर्स एफसी, ललितपुर सिटी एफसी र पोखरा थन्डर्स र स्पोर्टिङ इलाम एफसी दी मेचीको सहभगिता हुनेछ।
यस्तै, प्रतियोगिता काठमाडौं र पोखरामा सञ्चालन गर्ने आयोजकको तयारी छ। बैठकले एनएसएलसँग विगतमा गरिएको त्रुटिपूर्ण सम्झौता खारेज गर्ने निर्णय गरेको छ। यसबारे निर्णय गर्न अध्यक्ष पंकज विक्रम नेम्वाङको संयोजकत्वमा ७ सदस्यीय कमिटी गठन गरिएको छ।
कमिटीमा उपाध्यक्ष दिपक खतिवडा, कुमार केसी, एन्फा सदस्य टिकाराम लामा, मनीराज विष्ट, रविन्द्र चन्द र पुरुषोत्तम थापा छन्।
७ सदस्यीय कमिटीले एनएसएलसँग त्रुटिपूर्ण सम्झौता खारेज गर्दै सम्झौता नवीकरण गर्ने बैठकमा सहभागी भए केन्द्रीय सदस्यले नेपाल लाइभलाई जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
