महाराष्ट्रको जालनामा व्यापारी र जग्गा कारोबारीको अफिसमा आयकरको छापा, ४ अर्ब भारु बराबरको बेनामी सम्पत्ति जफत

सुरक्षा/अपराध

नेपाल लाइभ बिहीबार, साउन २६, २०७९ १३:०९

काठमाडौं– भारतीय आयकर विभागले महाराष्ट्रको जालनामा एक कारोबारीको ठेगानाबाट ३ अर्ब ९० करोड भारतीय रुपैयाँ बराबरको बेनामी सम्पत्ति बरामद गरेको छ।

उक्त छापामा ५८ करोड भारतीय रुपैयाँ नगद, ३२ किलो सुनका गहना, १६ करोड भारतीय रुपैयाँ बराबरको हिरा र मोती भेटिएको छ।

आयकर विभागको टोलीले नगद गन्नका लागि करिब ३ घण्टा लगाएको थियो। व्यापारी र जग्गा करोबारीको कार्यालयमा १ देखि ८ अगस्टसम्म उक्त कारबाही चलाइएको थियो। यस छापाका लागि आयकर विभागका २६० कर्मचारी १२० भन्दा बढी गाडीमा आएका थिए।

आयकर विभागले बरामद भएको रकम र गहना कर छलीको हुनसक्ने आशंका गरेको छ। सुरुआती जाँचका क्रममा उक्त रकम भेटिएको थिएन।

पछि जालनाभन्दा १० किलोमिटरको दूरीमा कारोबारीको एक फार्म हाउसमा छापा मारिएको थियो। जहाँ एक दराजभित्र र विस्तरामुनि कपडाको थैलीमा नोट राखिएको पाइएको थियो।

नोटलाई स्टेट बैंक अफ इन्डियाको स्थानीय शाखामा लगेर गनिएको थियो। आयकर विभागको टिमले छापाको योजनालाई निकै गुप्त राख्न आफ्नो गाडीमा दुलाह र दुलहीको नामको स्टीकर टाँसेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

९१ औं वर्षमा शुक्रराज ट्रपिकल तथा सरुवारोग अस्पताल : बढ्दै सेवाग्राही, विस्तार हुँदै सेवा

प्रधानमन्त्रीको पार्टीमा नै उकुसमुकुस भइरहेको छ, यो सरकार धेरै अगाडि जाँदैन : अध्यक्ष प्रचण्ड

सम्पर्कविहीन १५ प्रहरीलाई ७ दिनभित्र हाजिर हुन निर्देशन