पटना–भारत बिहारको मुख्यमन्त्रीका रूपमा नेता नितिशकुमारले पटना राजभवनमा बुधबार सपथ लिएका छन्। उनले मुख्यमन्त्रीको सपथ लिएको यो आठौं पटक हो।
भारतीय जनता पार्टीसँगको सत्ता साझेदारी त्यागेपछि सातदलीय गठबन्धनबाट उनी पुनः मुख्यमन्त्री बनेका हुन्। सातदलीय महागठबन्धनको मंगलबारको बैठकले उनलाई नै उक्त पदका निम्ति चयन गरेको थियो। तेजस्वी यादवको राष्ट्रिय जनता दल र अन्य साना विपक्षी दलको समर्थनमा उनी फेरि सत्तामा पुगेका हुन्।
राष्ट्रिय जनता दलका नेता यादवले पनि बुधबार नै राज्यको उपमुख्यमन्त्रीको सपथ लिएका छन्। राजभवनमा भएको सपथ समारोहमा राष्ट्रिय जनता दलका नेता तेजप्रताप यादव तथा उपमुख्यमन्त्री यादवकी श्रीमती राजश्री, पूर्वमुख्यमन्त्री राबडी देवीलगायत उपस्थित थिए।
जनता दल युनाइटेड र राष्ट्रिय जनता दलको साझेदारीले दुईसय ४३ सदस्यीय विधान सभामा बहुमत पुगेको छ भने गठबन्धनलाई जितन माझीको एचएएमजस्ता साना दलले पनि समर्थन गरेका छन्।
बिहार राज्य विधानसभामा भारतीय जनता पार्टीका ७७ जना विधायक छन्। नितिशकुमारलाई एकसय ६४ जना विधायकको समर्थन छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
