अनिवार्य मौज्दात नपुर्‍याउने दुई बैंकमाथि राष्ट्र बैंकले गर्‍यो कारबाही

बैंक/बिमा/सेयर

नेपाल लाइभ बिहीबार, साउन १९, २०७९ १८:१७

काठमाडौं– नेपाल राष्ट्र बैंकले दुई बैंकलाई कारबाही गरेको छ। चौथो त्रैमासमा अनिवार्य नगद मौज्दात नपुर्‍याएको भन्दै राष्ट्र बैंकले स्ट्यान्डर्ड चार्टर्ड र नेपाल क्रेडिट एन्ड कमर्स (एनसिसी) बैंकलाई कारबाही गरेको हो।

राष्ट्र बैंकको कारबाहीपछि स्ट्यान्डर्ड चार्टर्ड बैंकले करिब ६४ हजार र एनसिसी बैंकले करिब ५० हजार रूपैयाँ हर्जाना तिरेका छन्।

बैंकहरूले कूल निक्षेपको आधारमा करिब तीन प्रतिशत अनिवार्य नगद मौज्दात राख्नुपर्ने व्यवस्था छ।

चालू आर्थिक वर्षबाट भने यो दर बढाएर चार प्रतिशत बनाइएको छ। तर ती बैंकहरुले अनुगमनका क्रममा उक्त रकम नराखेको पाइएपछि कारबाही गरिएको राष्ट्रबैंकले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपाल–कोरिया सम्बन्धको नयाँ मार्गचित्र

६७ जना यात्रु बोकेको अजरबैजानको विमान काजाकस्तानमा दुर्घटना

चलचित्र ‘देववाणी’ आजबाट प्रदर्शनमा, बलिउड अभिनेता ह्यारीले दर्शकसँगै फिल्म हेर्ने