प्रधानमन्त्री तथा मन्त्रिपरिषद्‌को कार्यालय तानिए अर्थ सचिव मरासिनी

अर्थ समाचार

नेपाल लाइभ बिहीबार, साउन १९, २०७९ १६:४९

काठमाडौं– जनार्दन शर्मा अर्थ मन्त्रीमा पुन: नियुक्त भएलगत्तै बिदामा बसेका अर्थ मन्त्रालयका (अर्थ) सचिव मधु मरासिनीलाई सरकारले प्रधानमन्त्री तथा मन्त्रिपरिषद्‌को कार्यालयमा सरुवा गरेको छ। बिहीबार बसेको बसेको मन्त्रीपरिषद्‌को बैठकले उनलाई प्रधानमन्त्री तथा मन्त्रिपरिषद्‌को कार्यालयमा काम गर्नेगरी सरुवा गरेको हो।

जेठ १४ गते बजेट निर्माणका क्रममा अनधिकृत व्यक्तिको प्रवेश गराएर करको दर हेरफेर गरेको आरोप लागेपछि मरासिनी अर्थमन्त्री शर्मासँग असन्तुष्ट भएका थिए। उक्त प्रकरणमा सचिवहरुको समेत आलोचना भएपछि उनी बीदामा बसेका थिए।

असार २२ गते प्रतिनिधि सभाले छानबिन समिति गठन गरेपछि शर्माले राजीनामा दिएका थिए। सोही दिन बिदामा बसेका मरासिनी पुन: भोलिपल्ट काममा फर्केका थिए। तर शर्माले छानबिन समितिबाट १७ दिनपछि सफाइ पाएर पुन: सपथ लिँदै मन्त्रालय आएपछि उनी बिदामा रहेका थिए।

शर्मा पुन: अर्थमन्त्री भएपछि मरासिनिले आफू मन्त्रालय नफर्किने भन्दै प्रधानमन्त्री शेरबहादुर देउवा र मुख्यसचिव शंकरदास बैरागीलाई जानकारी गराएका थिए।

मरासिनीलाई प्रधानमन्त्री तथा मन्त्रिपरिषद्‌को कार्यालयमा सरुवा गरिएपछि अर्थ सचिवको जिम्मेबारी राजश्व सचिव कृष्णहरि पुष्करलाई दिइएको छ। अर्थ मन्त्रालयमा २ सचिव रहने अभ्यास भएपनि नयाँ सचिव नखटाउँदा सम्मको लागि पुष्करलाई उक्त जिम्मेबारी दिने निर्णय मन्त्रीपरिषदले निर्णय भएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हाम्रै सहयोगमा प्रधानमन्त्री बनेका प्रचण्डले हामीमाथि नै शासन गर्न चाहन्थे : महासचिव पोखरेल

वुमन्स च्याम्पियनसिप: नेपाल उपविजेतामै सिमित, म्यानमारसँग २–० गोलले पराजित

दुई मिनेटको अन्तरालमा म्यानमारद्वारा नेपालको पोष्टमा दुई गोल