काठमाडौं– ताइवानको रक्षा मन्त्रालयले आफ्नो वेबसाइटमा साइबर आक्रमण भएको जनाएको छ। मन्त्रालयले साइट अस्थायी रूपमा अफलाइन भएको बताएको छ।
चीनसँग बढ्दो तनावका बीच यस्ता घटना चिन्ताजनक भएकाले साइबर सुरक्षा बढाउन अन्य अधिकारीहरूसँग मिलेर काम गरिरहेको ताइवान सरकारले जनाएको छ।
यस हप्ताको सुरुमा राष्ट्रपति कार्यालय लगायत धेरै सरकारी वेबसाइटहरू विदेशी साइबर हमलाहरूबाट प्रभावित भएका थिए। त्यहाँका सरकारी अधिकारीहरूले उक्त हमला चीन र रसियाद्वारा गरिएको आरोप लगाएका छन्।
अमेरिकी प्रतिनिधि सभाका सभामुख न्यान्सी पेलोसीको सफल ताइवान भ्रमणपछि चीनको सेनाले बुधबार ताइवान वरिपरि संयुक्त नौसैनिक हवाई अभ्यास समेत गरेको छ। जसले स्वशासित टापुलाई नाकावन्दी गर्ने प्रयास गर्न सक्छ भन्ने अनुमान गरेको छ।
चिनियाँ जनमुक्ति सेना (पीएलए)को पूर्वी थिएटर कमाण्डले ताइवान वरपरको समुद्री र हवाई क्षेत्रको अभ्यासमा नौसेना, वायुसेना, रकेट फोर्स र रणनीतिक सहायता बल लगायतका सेनाले भाग लिएको बताएको छ।
आधिकारिक मिडिया रिपोर्टहरूले भनेका छन् कि पीएलएले अगस्ट ४ देखि ७ सम्म ताइवान टापुलाई चारै दिशाबाट घेरेका छवटा विभिन्न क्षेत्रमा सैन्य अभ्यास गर्ने छ। पेलोसी मंगलबार ताइवान पुगेपछि चीनले सैन्य अभ्यासलाई तीव्र पारेको छ।
सरकारद्वारा सञ्चालित ग्लोबल टाइम्सले एक रिपोर्टमा भनेको छ कि ताइवान वरिपरि पीएलएको सैन्य अभ्यास पुनर्मिलन अभियानको भागको रूपमा जारी रहनेछ र टापुको नाकाबन्दी अभ्यास नियमित हुनेछ।
सैन्य विज्ञहरूले भने कि पेलोसीको भ्रमणलाई लिएर आफ्नो क्रोध हटाउन र आगामी हप्तामा नियमित सैन्य अभ्यास गर्न ताइवानमा ड्रोन पठाउन सक्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
