काठमाडाैं-साफ यू-२० च्याम्पियनसिप फुटबलको तेस्रो खेलमा साविक विजेता भारतले नेपालको पोस्टमा आधा दर्जनभन्दा बढी गोल बर्षाएको छ।
भुवनेश्वरस्थित कालिंगा स्टेडियममा आइतबार साँझ सम्पन्न खेलमा आयोजक भारतले नेपाललाई ८-० गोल अन्तरले पराजित गरेको हो।
भारतलाई जित दिलाउन पार्थिव सुन्दर गोगोइ र टाइसन सिंहले दुई गोल गरे। यता, हिमान्सु झाङ्ग्रा, टन्कधर बाग, गुर्किरत सिंह र सुभो पाउलले १/१ गोल गरे।
खेलको ३२औं मिनेटमा टाइसनले गोल गर्दै भारतलाई सुरुआती अग्रता दिलाएका थिए। नेपालका गोलरक्षक इश्वर गुरुङको गल्तीको फाइदा उठाउँदै उनले हातबाट फुस्किएको बललाई हेडरमार्फत् गोलमा परिणत गरे।
पहिलो हाफ १ गोलले अगाडि रहेको भारतले दोस्रो हाफमा थप ७ गोल थप्यो। ५१औं मिनेटमा पार्थिवले गोल गर्दै भारतको अग्रता दोब्बर बनाए।
त्यसको दुई मिनेट पछि अर्थात् ५२औं मिनेटमा पार्थिवले व्यक्तिगत दोस्रो गोल गर्दै भारतको अग्रता ३-० को बनाए।
६६अौं मिनेटमा टाइसनले व्यक्तिगत दोस्रो गोल गर्दैै भारतलाई ४-० ले अघि बढाए। ७१अौं मिनेटमा भारतले पेनाल्टी पायो। उक्त पेनाल्टीलाई हिमान्सुलु गोल गर्दै स्कोर ५-० पुर्याए।
७८अौं मिनेटमा टन्कधरले गोल गर्दै भारतलाई ६ गोलले अघि बढाए। ८९अौं मिनेटमा गुर्किरतले गोल गर्दै ७-० को फराकिलो अग्रता दिलाए। इन्जुरी समयमा गोल गर्दै सुभोले भारतलाई ८-० को जित दिलाए।
यस हारसँगै नेपाल अंक तालिकाको तेस्रो स्थानमा झरेको छ। बंगलादेश ३ खेलमा ९ अंकका साथ शीर्ष स्थानमा छ। नेपाल र भारतको समान ३ खेलमा ६ अंक भएपनि हेड टु हेडमा भारत अघि छ। १-१ अंक जोडेका माल्दिभ्स र श्रीलंका प्रतियोगिताबाट बाहिरिसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
