काठमाडौं– सहिद स्मारक ‘ए’ डिभिजन लिग तयारीका लागि बोलाएको बैठक दोस्रो पटक स्थगित भएको छ।
अखिल नेपाल फुटबल संघ (एन्फा)ले नयाँ सिजनको ‘ए’ डिभिजन लिगका लागि आइतबार बैठक बोलाएको थियो। तर, सहभागी १४ क्लबलाई एन्फाले आइतबार बिहान इमेलमार्फत् बैठक स्थगित भएको जानकारी गराएको हो।
एन्फा महासचिव किरण राईले आफू अस्वस्थ भएका कारण आइतबार बोलाइएको बैठक स्थगित भएको बताए। ‘म आज अलिक अस्वस्थ छु। त्यसैले आजलाई तय बैठक स्थगित भएको छ,’ उनले भने।
यसअघि एन्फाले गत शुक्रबारलाई बैठक बोलाएको थियो। तर, बैठक स्थगित भएको थियो।
पंकजविक्रम नेम्वाङ असार ६ मा एन्फाको अध्यक्षमा निर्वाचित भएयता एन्फाको वैधानिक बैठक बस्न सकेको छैन। साउन २ मा बोलाइएको पहिलो कार्यसमिति बैकठमा अध्यक्ष नेम्वाङ एक्कासी अस्वस्थ भएपछि बैठक स्थगित गरिएको थियो।
साउन ४ मा बसेको दोस्रो बैठक अजेन्डामा प्रवेशै नगरी स्थगित भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768291693.png)
-1764146706.png)
