सेयर बजारका लागि सकारात्मक मौद्रिक नीति आएन : लगानीकर्ता

अर्थ समाचार

सुमित्रा कार्की शुक्रबार, साउन ६, २०७९ १९:०७

काठमाडौं– नेपाल राष्ट्र बैंकले शुक्रबार सार्वजनिक गरेको चालू आर्थिक वर्षको मौद्रिक नीति सेयर बजारका लागि सकारात्मक नदेखिएको सेयर बजारका लगानीकर्ताले गुनासो गरेका छन्।

मौद्रिक नीतिमामा सेयर बजारलाई उपयुक्त हुने खालको कुनै बुँदा उल्लेख नभएको नेपाल इन्भेष्टर्स फोरमका अध्यक्ष तगथा लगानीकर्ता तुलसीराम ढकालले बताए।

उनी भन्छन्, ‘हामीले सेयर कर्जामा लगाएको ४/१२ को सीमा खारेज गर्न माग गरेका थियौं। तर, राष्ट्र बैंकले यसलाई खारेज गर्नुको सट्टा झन् एउटा बैंक तथा वित्तीय संस्थाबाट १२ करोड रुपैयाँसम्म मात्र ऋण लिन पाउने व्यवस्था गरेको छ।’ No description available.

उनका अनुसार यसवर्षको लागि आएको मौद्रिक नीति सेयर बजारको लागि ‘हात्ती आयो, हात्ती आयो फुस्सा’ जस्तै भएको छ। ‘राष्ट्र बैंकले लगानीकर्ताको केही माग पूरा गरेजस्तो पनि गरेको छ। तर, धेरै कुरा लुकाएको छ’, उनले भने।

यसैगरी, सेयर बजारका लगानीकर्ताले सेयर कर्जामा भारित औसत पूर्ण रुपमा हटाउनको लागि माग राखेको थिए। तर, नेपाल राष्ट्र बैंकले २५ लाख रुपैयाँसम्म भारित औसतमा सतप्रतिशत छुट दिएको छ। यसले सेयर बजारका लगानीकर्तालाई कुनै दृष्टिकोणबाट पनि सहयोग नपुग्ने उनको तर्क छ। लगानीकर्ताले आफ्नो सम्पत्ति राखेर ऋण लिन नपाउनु दुर्भाग्य भएको दकालको भनाइ छ।

लगानीकर्ता संघका उपाध्यक्ष तारा फुल्लेलले राष्ट्र बैंकले मौद्रिक नीतिमार्फत् लगानीकर्ताका माग सम्बोधन नगरेको बताए। उनले नेपाल लाइभसँगको कुराकानीमा भने, ‘हामीले ४/१२ को क्यापलाई पूर्ण रुपमा हटाउन, भारित औसत सीमा शतप्रतिशत हटाउन, सिडी रेसियो खारेज गरेर सिसीडी रेसियो कायम गर्न, ब्याजदर सिंगल डिजिटमा सिमित गर्न माग गरेका थियौं। तर ती सम्बोधन भएनन्।’

तर, धितो कर्जामा ४/१२ को सीमा परिमार्जन गरिनु भने सकारात्मक भएको No description available. उनको भनाइ छ। उनले अघि भने, ‘राष्ट्र बैंकले सेयर धितो कर्जामा लगाइएको ४/१२ को सिमालाई परिमार्जन गर्दै अधिकतम १२ करोडको सीमा कायम गरेको छ। यसलाई पनि तरलता सहज भए हटाउने भन्ने खालको नीति ल्याएको छ। यो हामी लगानीकर्ताको लागि राम्रो कुरा हो।’

यसैगरी, २०८० असार मसान्तसम्म बैंक तथा वित्तिय संस्थाहरूले जारी गरेको ऋणपत्रलाई कर्जा निक्षेप स्रोतको रूपमा गणना गर्न पाइने व्यवस्थाले तरलता केही सहज हुने अनुमान फुल्लेलको छ।

बैंक तथा लघुवित्तहरूले २०७९ पुस मसान्तभित्र एकीकृत कारोबार गरेमा मात्र सहुलियत पाइने व्यवस्था गरिएको छ। यसले मर्जरमा जाने कम्पनीलाई थप प्रोत्साहन दिने फुल्लेलको भनाइ छ।

साना लगानीकर्ताहरूको सेयर बजारमा उत्साहजनक सहभागिताका लागि २५ लाखसम्म सेयर ऋण लिँदा भारित औसत शतप्रतिशत कायम गर्ने व्यवस्था लगायतका विषय वस्तुलाई सकारात्मक रूपमा लिन सकिने फुल्लेलले बताए।

No description available. नेपाल राष्ट्र बैंकले चालू आर्थिक वर्ष २०७९/८० को मौद्रिक नीति शुक्रबार सार्वजनिक गर्दै मर्जरमा जाने कम्पनीको सेयर कारोबार रोक्का नहुने व्यवस्था गरेको छ। यसले सेयर बजारलाई केहि राहत दिएको लगानीकर्ता सिर्जना सुवेदी बताउँछिन्।

लगानीकर्ता सुवेदी भन्छिन्, ‘मौद्रिक नीतिले सेयर बजारमा केही राहत दिएको छ। नीतिमा समावेश भएको सुविधा सेयर धितो कर्जामा एउटा बैंकबाट ४ करोडमात्र ऋण लिन पाउने सीमा खारेज भएको छ। अब १२ करोडको सीमामात्र लागू हुने भएको छ।’

यसैगरी, २५ लाखसम्मको सीमामा जोखिमभार १०० प्रतिशत र त्यसभन्दा माथिमा १५० प्रतिशत कायम गरिएको कारण यसले पनि सेयर बजारलाई सकारात्मक सन्देश दिएको उनको बुझाइ छ।

No description available. यसैगरी, सेयर बजारका लगानीकर्ता नवराज दाहालले मर्जर तथा एक्विजिसनमा जाने तयारी गरेका कम्पनीहरुको सेयर कारोबार रोक्का राखिने व्यवस्था खारेजले सेयर बजारलाई सहज बनाएको जानकारी दिएका छन्।

राष्ट्र बैंकले सेयर कारोबार रोक्का राख्ने प्रचलन अब धितोपत्र बोर्डले गरेको व्यवस्था अनुसार हुने जानकारी दिएको छ।
राष्ट्र बैंकले शुक्रबार अपरान्ह ४ बजे चालू आर्थिक वर्षको मौद्रिक नीति सार्वजनिक गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।