अमरगढी– डडेलधुराका अगुवा कृषक आलुसंगै मूल बिऊ समेत आफैं उत्पादन गर्ने थालेका छन्। आलुमा आत्मनिर्भर भइ निर्यात समेत गरिरहेको डडेलधुरा आलुको मूलबिउमा पनि आत्मनिर्भर भएको छ।
जिल्लाको अमरगढी नगरपालिका–१ र गन्यापधुरा गाउँपालिका–१ मा गरि दुई स्कीन हाउसले एक सिजनमा करिब १ लाख दाना आलुको मुल बिऊ उत्पादन गर्दै आएका छन्। गत वर्षबाटै डडेलधुरा मुल बिऊमा समेत आत्मनिर्भर भएको छ।
बिगतमा आलुको बिऊ काठमाडौंबाट ल्याउनुपर्ने र मागअनुसार नपाउने समस्या हुने गरेको थियो। अहिले यहाँका किसानले सहकारीमार्फत् तथा व्यक्तिगत बनाएका स्कीन हाउसमा रोगमुक्त मूलबिउ उत्पादन थालेका हुन्। मूलबिउ उत्पादनका लागि प्रधानमन्त्री रोजगार कार्यक्रमअन्तर्गतको आलु सुपर जोन डडेलधुराले प्राविधिक सहयोग उपलब्ध गराउँदै आएको छ।
1658466734.JPG)
अगुवा कृषक दत्ती अवस्थी भन्छन्, ‘हामी आलुमा आत्मनिर्भर भएपछि आलुको मूलबिउमा पनि कसैको भर पर्नु परेको छैन, बरु डडेलधुरा अहिले बाहिरी जिल्लामा मूलबिउ निर्यात गरिरहेको छ।’
०७३ मा विभिन्न संस्थाले सहयोग गरेर निमार्ण गरिएको गन्यापधुरा गाउँपालिका वडा नम्बर १ मा पर्ने असिग्राम कृषक बहुउद्धयीय सहकारी संस्थाको स्कीनहाउस केही वर्ष प्राविधिक समस्याले बन्द अवस्थामा थियो। अहिले प्रधानमन्त्री कृषि आधुनिकारण परियोजना अन्तर्गतको डडेलधुरा इकाइले केही सहगोग गरेपछि ७५ हजार मुल बिऊ आलु उत्पादन तथा वितरण गर्ने सफल भएको असिग्राम कृषक बहुउद्देशीय सहकारी संस्था गन्यापधुरा–१ डडेलधुराका अध्यक्ष डम्बर देव भट्टले बताए।
1658466733.JPG)
भट्ट भन्छन्, ‘केही वर्ष हामी मूलबिउ उत्पादनमा प्राविधिक कारणले पछि परेका थियों। अहिले ७५ हजार मूल बिऊका दाना उत्पादन गर्ने भइसेका छौं। आम्दानी पनि राम्रो भइरहेकै छ।’
जिल्लालाई आलुको मूलबिउ उत्पादनका लागि आत्मनिर्भर बनाउनेमा निजी लगानीबाट सञ्चालित स्कीन हाउसको पनि योगदान छ। अमरगढी नगरपालिका– १ मा कृषक दत्ती अवस्थीले सञ्चालन गरेको स्कीन हाउसबाट रोगमुक्त मूलबिउ २५ हजार दाना उत्पादन गरिरहेको छ।
आफ्नो उत्पादनबाट उत्पादित मूलबिउ डडेलधुरामा मात्रै नभइ बाहिरी जिल्लामा पनि निर्यात गरिरहेको अवस्थी बताउँछन्। व्यावसायिक रुपमा कृषि फर्म सञ्चालन गरिरहेका अवस्थीले आफ्नो फर्ममा कृषि विषय नै लिएर उच्च शिक्षा अध्ययन गरेका युवाहरुलाई समेत रोजगार दिइरहेका छन्।
1658466733.JPG)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
