काठमाडौं– इंग्लिस प्रिमियर लिगमा यसै सिजन बढुवा भएको नटिङघम फरेस्टले जेसी लिंगार्ड, लेविस ओ ब्राइन र ह्यारी टोफोलोलाई भित्राएको छ।
नटिङघमले दुई दशकपछि प्रिमियर लिगमा पुनरागमन गरेको हो। गत सिजनको अन्त्यपछि म्यानचेस्टर युनाइटेडसँगको सम्झौता सकिएका कारण क्लबले लिंगार्डलाई फुकुवा गरिसकेको थियो।
ओल्ड ट्रफोर्डमा पर्याप्त खेल्ने अवसर नपाएको भन्दै उनले यसअघि नै क्लब छोड्ने घोषणा गरिसकेका थिए। नटिङटमले लिंगार्डलाई एक वर्षका लागि टोलीमा अनुबन्ध गरेको हो।
उनले युनाइटेडबाट सबै खाले प्रतियोगिता गरी २३२ खेलमा ३५ गोल गरेका थिए। गत सिजन भने उनले युनाइटेडबाट प्रिमियर लिगका १६ खेल मात्र खेले।
२०२१–२२ सिजनको सुरुआतमा उनी उनी युनाइटेडबाट लोनमा वेस्ट हम पुगेका थिए। सो क्रममा उनले वेस्ट हमबाट १६ खेल खेलेका थिए।
लिंगार्डलाई अनुबन्ध गर्न वेस्टहमसँगै न्यूक्यासल युनाइटेड र एभर्टन पनि इच्छुक देखिएको थियो। यता, क्लबले गत सिजन आफैंविरुद्ध टेरिस च्याम्पियनसिपको प्लेअफ फाइनल खेलेका हडर्सफिल्डका दुई खेलाडी ओ ब्राइन र टोफोलोलाई पनि भित्र्याएको छ।
११ वर्षको उमेरदेखि नै मिडफिल्डर ब्राइन हडर्सफिल्डमा थिए। रक्षक टोफोलोले भने पछिल्लो दुई सिजन हडर्सफिल्डमा थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767959997-1767968077.jpg)
-1764146706.png)
