माली-मालीको राजधानी बामाको नजिकै सडक चेकपोस्टमा भएको आक्रमणमा छ जनाको मृत्यु भएको छ। मालीको सुरक्षा मन्त्रालयले जनाएअनुसार आक्रमणमा दुई जना घाइते भएका छन्।
राजधानी बामाकोबाट करिब ७० किलोमिटर पूर्वमा रहेको जान्तिगुइलाको सडक चेकपोस्टमा बिहीबार राति हमला भएकाे जनाइएकाे छ। आक्रमणमा मृत्यु हुनेहरुमा दुई महिला, एक प्रहरी र तीन सर्वसाधारण छन्। तर आक्रमण कसले गरेको हो भन्ने हालसम्म खुलाइएको छैन।
गत जुनको सुरुमा दक्षिणी मालीको कौटियाला सडक चेकपोस्टमा यस्तै आक्रमण हुँदा आठ जनाको मृत्यु भएको थियो भने चार जना घाइते भएका थिए।
मालीले सन् २०१२ देखि सुरक्षा, राजनीतिक र आर्थिक सङ्कटको सामना गरिरहेको छ। विद्रोह, जिहादी आक्रमण र अन्तर-सामुदायिक हिंसाले हजारौंको यहाँ ज्यान गएको छ भने हजारौं विस्थापित भएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
