बाली, इन्डोनेसिया–रूस–यूक्रेन युद्धका कारण मतविभाजन भएपछि इन्डोनेसियामा आयोजित जी–२० समूहका अर्थमन्त्रीहरुको बैठक संंयुक्त विज्ञप्तिविना नै टुंगिएको छ।
समूहको बैठकपछि संयुक्त विज्ञप्ति जारी गरी छलफलमा भएका निर्णयबारे सार्वजनिक गराउने परम्परा छ। तर युद्धका विषयमा समूहका सदस्यहरूबीच एक मत हुन नसकेपछि संयुक्त विज्ञप्तिविना नै बैठक टुंगिएको जनाइएको छ।
इन्डोनेसियाको बालीमा भएको वार्ताका क्रममा अर्थमन्त्रीहरूले खाद्य तथा ऊर्जा संकटहरूको समाधान खोजेको बताइएको छ। तर बैठकका सहभागीहरूले रूसी प्राविधिकहरूले समस्याहरूलाई झनै चर्काएको आरोप लगाए।
अमेरिकी अर्थमन्त्री जेनेट येलेन, अस्ट्रेलियाका जिम चालमर्स र क्यानडाका क्रिस्टिया फ्रिल्यान्डले यूक्रेनमा गरिएको रूसी हस्तक्षेपले विश्व अर्थतन्त्रलाई प्रभावित पारेको भन्दै आलोचना गरे ।
औपचारिक विज्ञप्तिको सट्टा इण्डोनेसियाले जारी गरेको १४ अनुच्छेदको दस्तावेजलाई जी–२० समूहको अध्यक्षता गरेका इन्डोनेसियाली अर्थमन्त्री मुल्यानी इन्द्रावतीले समापन सम्बोधन गरिन्।
उनले अधिकांश दस्तावेजमा सहमति भएको बताइन्। युद्धको प्रभाव र कसरी प्रतिक्रिया दिने भन्ने सन्दर्भमा सदस्यहरूको मतभेद भएको बताइएको छ।
बैठकको दोस्रो दिन इन्डोनेशियाका केन्द्रीय बैंकका गभर्नर पेरी वारजियोले कोभिड–१९ महामारीबाट पीडित विश्व अर्थतन्त्रलाई पुनः स्थापित गर्नमा ध्यान केन्द्रित गर्न मन्त्री तथा विश्व अर्थमन्त्रीहरुलाई आह्वान गरे।
युक्रेन युद्धले विश्व बजारलाई चर्काएको, खाद्यान्नको मूल्य बढेको र मुद्रास्फीतिलाई तोडेको अवस्थामा वित्तमन्त्रीस्तरीय छलफल ओझेलमा परेको छ।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
