काठमाडौं– भारत भ्रमणमा रहेका नेकपा माओवादी केन्द्रका अध्यक्ष पुष्पकमल दाहाल (प्रचण्ड)सँग नयाँ दिल्लीमा त्यहाँ रहेका प्रवासी नेपालीहरुसँग भेट गरेका छन्।
शुक्रबार अपाह्रन दिल्ली उत्रेका प्रचण्डले शनिबार बिहान त्यहाँस्थित नेपाली प्रतिनिधिलाई भेटेको प्रचण्डका स्वकिय सचिव रमेश मल्लले बताए। उक्त भेटमा प्रवासी नेपालीका प्रतिनिधिले अखिल भारत नेपाली एकता मञ्चलाई भारत सरकारले लगाएको पोटा कानुन खारेज गर्नुपर्ने माग राखेका थिए।
त्यस्तै, प्रवासी नेपालीलाई मताधिकारको व्यवस्था गर्नु पर्ने र नेपाल सरकारले विभेदपूर्ण व्यवहार गर्न नहुने माग राखेको मल्लले बताएका छन्।
जवाफमा प्रचण्डले नेपाली क्रान्तिमा प्रवासी नेपालीको भूमिका उच्च रहेकोले उनीहरूको मागलाई गम्भीरतापूर्वक लिने बताएका थिए। त्यस्तै, प्रचण्डले पोटा कानुन लगायतका विषयमा भारत सरकारसँग कुरा गर्ने बताएको मल्लले जानकारी दिए।
पोटा कानुन अटल बिहारी वाजपेयी सरकारले ल्याएको आतंकबाद विरूद्वको कडा कानुन हो।
३ दिने भ्रमणका लागि दिल्ली पुगेका प्रचण्डको उच्च नेतृत्वसंग भेट गर्ने कार्यक्रम रहेको छ।
शनिबारै भारतका विदेशमन्त्री एस जयशंकरले प्रचण्डलाई भेट्ने कार्यक्रम छ। यस्तै, विदेश सचिव विनयमोहन क्वात्राले पनि शनिबारै प्रचण्डसँग भेट गर्नेछन्।
त्यसपछि प्रचण्ड फाउन्डेसन फर पब्लिक अवारनेस एन्ड पोलिसी नामक संस्थाले आयोजना गर्ने नेपाल-भारत सम्बन्ध विषयक कार्यक्रममा प्रमुख वक्ता छन्। प्रचण्ड मुख्य वक्ता रहने उक्त कार्यक्रममा नेपालका लागि भारतीय पूर्व राजदूत, भाजपाका नेताहरु, विदेश मन्त्रालयका कर्मचारी र अन्र्तराष्ट्रिय मामिला विज्ञ सहभागी हुने जनाइएको छ।
यस्तै, शनिबार साँझ उनी भारतीय विदेशमन्त्री जयशंकरले आयोजना गर्ने रात्रिभोजमा सरिक हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768457877.png)
-1764146706.png)
-1768395492.png)
