काठमाडौंको थलीमा एक युवकमाथि छुरा प्रहार, १८ घण्टामा समातिए आरोपित

सुरक्षा/अपराध

नेपाल लाइभ मंगलबार, असार २८, २०७९ १४:५६

काठमाडौं– कागेश्वरी मनोहरा नगरपालिका–५ थलीमा एक युवकमाथि छुरा प्रहार भएको छ। छुरा प्रहार गरेको आरोपमा एक जनालाई प्रहरीले पक्राउ गरेको छ।

पक्राउ पर्नेमा सिन्धुपाल्चोकको तातोपानी नगरपालिका–४ का २७ वर्षीय दिपेश शाक्य छन्। उनले असार २५ गते थलीमा सिन्धुपाल्चोकको साँगाचोकगढीका २५ वर्षीय राजन श्रेष्ठको पेटमा छुरा प्रहार गरेका थिए।

छुरा प्रहार गरी फरार भएको भन्ने सूचना प्राप्त हुनासाथ पहरी वृत्त बौद्धको टोली उनको खोजीमा जुटेको थियो। सोही क्रममा १८ घण्टापछि असार २६ गते शाक्यलाई उनकै कोठाबाट पक्राउ गरिएको जिल्ला प्रहरी परिसर काठमाडौंका एसपी तथा प्रवक्ता दिनेशराज मैनालीले जानकारी दिए।

उनीबाट छुरासमेत प्रहरीले बरामद गरेको छ। शाक्यविरुद्ध ज्यान मार्ने उद्योगको कसुरमा जिल्ला अदालत काठमाडौंबाट ४ दिनको म्याद लिएर अनुसन्धान अघि बढाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मधेश प्रदेश सभाको कार्यसूचीमा समेटियो भाषा विधेयक फिर्ताको प्रस्ताव

टरिगाउँ विमानस्थलको स्तरवृद्धिका लागि पहल गर्छु : प्रचण्ड

आइसिसी यू–१९ महिला विश्व कप: नेपाललाई मलेसियाको सामान्य लक्ष्य,पुजा बनिन् सर्वाधिक विकेट लिने बलर