धनगढी– सुदूरपश्चिम प्रदेश सरकारले ल्याएको बजेटमाथि छलफल गर्न सोमबार बोलाएको बैठक पनि स्थगित भएको छ।
सोमबार बिहान ११ बजे स्थगित भएको बैठक अपराह्न ३ बजे बोलाइएको थियो। तर, प्रमुख प्रतिपक्षी दलका सांसदहरु उपस्थित नभएपछि बैठक स्थगित भएको हो।
सोमबार सुरुमा बिहान ११ बजे बोलाइएको बैठकमा प्रमुख प्रतिपक्षी दल नेकपा एमालेका सांसदहरु अनुपस्थित भएका थिए। प्रतिपक्षी दलका सांसद अनुपस्थित भएपछि बैठक स्थगित गरेर अपराह्न ३ बजेलाई बोलाइएको थियो। ३ बजेको बैठकमा पनि एमालेका सांसदहरु उपस्थित भएनन्।
अर्को बैठक भोलि (मंगलबार) बिहान ११ बजे बस्नेगरी बोलाइएको छ।
आगामी आर्थिक वर्ष २०७९/०८० का लागि प्रदेश सरकारले ल्याएको बजेटप्रति प्रतिपक्षीसहित सत्ता पक्षीय दलका सांसदहरुले समेत विरोध जनाएका छन्। सोमबार बसेको कार्यव्यवस्था परामर्श समितिको बैठकमा प्रतिपक्षका सांसदहरुले बजेट संशोधन गर्न आर्थिक मामिलामन्त्री प्रकाशबहादुर रावल र मुख्यमन्त्री त्रिलोचन भट्टको प्रतिबद्धता मागेका थिए।
आर्थिक मामिलामन्त्री रावलले गत असार १ गते प्रदेश सभामा प्रस्तुत गरेको बजेट संशोधन गर्नुपर्ने माग उठेको छ। तर, सरकारले भने बजेट संशोधन हुन नसक्ने जनाउँदै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
