काठमाडौं– प्रदर्शनको संघारमा रहेको फिल्म ‘प्रेमगञ्ज’को गीत ‘समय’ सार्वजनिक भएको छ। प्रदर्शन हुन केही साता मात्रै बाँकी रहेको फिल्मको गीत शनिबार सार्वजनिक भएको हो।
गीतलाई किरण भुसालले गाएका छन्। पुरुषोत्तम ढुंगेलको शब्द तथा संगीत रहेको गीतको मिक्सिङ रिदम कँडेलले गरेका छन्।
गीतको भिडियोमा फिल्मकी अभिनेत्री बेनिशा हमाल बिन्दास अवतारमा देखिएकी छिन्। बारको दृश्यबाट सुरु भएको गीतको भिडियोमा बेनिशा आफ्नै धुनमा लठ्ठ देखिन्छिन् भने अभिनेता तेज गिरी उदास अवतारमा देखिएका छन्।
गीत सम्मिलित फिल्म ‘प्रेमगञ्ज’ परिच्छेद सेनको निर्देशनमा बनेको फिल्म हो। उनकै लेखन रहेको फिल्मलाई किरण गुरागाईँ, रेश्मा थापा, राजेश सुवाल, गनेश भण्डारीलगायतले निर्माण गरेका छन्। अर्जुन जिसीले सम्पादन गरेको फिल्मलाई सञ्जय लामाले खिचेका हुन्।
फिल्म भदौं ३ गतेबाट देशैभर प्रदर्शनमा आउँदै छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
