काठमाडौं– भारतमा हुने साफ यू–२० तथा बहराइनमा हुने एएफसी यू–२० एसियन कप छनोटका लागि बन्द प्रशिक्षणमा रहेका ११ खेलाडी बाहिरिएका छन्।
मुख्य प्रशिक्षक मेघराज केसीले टोलीमा बोलाइएका ४१ खेलाडीमध्ये ११ खेलाडीलाई बाहिर राख्दै बन्द प्रशिक्षणमा रहेका खेलाडी संख्या ३० पुर्याएको अखिल नेपाल फुटबल संघले (एन्फा) ले जनाएको छ।
२५ जुलाईदेखि २ अगस्टसम्म ओडिसामा हुने साफ यू–२० च्याम्पियनसिपमा नेपाल, भारत, माल्दिभ्स, श्रीलंका र बंगलादेशको सहभागिता रहनेछ।
नेपालले आफ्नो पहिलो २५ जुलाईमा माल्दिभ्सविरुद्धको खेलबाट प्रतियोगिताको सुरुआत गर्नेछ। त्यसपछि नेपालले २७ जुलाईमा श्रीलंका र ३१ जुलाईमा घरेलु टोली भारत र २ अगस्टमा बंगलादेशसँग खेल्नेछ।
त्यस्तै, सेप्टेम्बर १० देखि १८ सम्म बहराइनमा हुने यू–२० एसियन कप छनोटको समूह ‘बी’ मा नेपाल, भुटान, कतार बंगलादेश र बहराइन छन्।
नेपालले १० सेप्टेम्बरमा भुटानसँग खेल्दै छनोटको सुरुआत गर्नेछ। त्यसपछि नेपालले १२ सेप्टेम्बरमा कतार, १४ सेप्टेम्बरमा घरेलु टोली बहराइन र १८ सेप्टेम्बरमा बंगलादेशसँग खेल्ने तालिका छ।
बन्द प्रशिक्षणमा रहेका खेलाडी
गोलकिपरः ईश्वर गुरुङ, उनेश चौधरी, जियारथ शेख
डिफेन्डरः सौरभ कार्की, अकिब हक, अमर श्रेष्ठ, सोनित दाहाल, आयुष श्रेष्ठ, अजय चौधरी, सुमित श्रेष्ठ, आश्विन भट्टराई, सृजन धानी, रोशन थापा, राज ठोकर
मिडफिल्डरः आयुष घलान, कृतिश रत्न छिन्जु, अभिषेक वाइबा, मनग्य नकर्मी दिपेश गुरुङ, आशिष राई, क्षितिज भण्डारी, सन्दीप कार्की, जन्मजय धामी, मोहित गुरुङ, प्रीतम स्याङ्तान, सुगम सुवाल
फरवार्डः दिपेश राई, निरञ्जन मल्ल, रोहित सुब्बा, रोहन खड्गी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
