काठमाडौं– बालुवाटारस्थित सुनौलो परिवार नेपाल मेरी स्टोप सर्भिसेजको केन्द्रीय कार्यालय बुधबार बिहान भएको आगलागीबाट करिब पाँच करोडको क्षति भएको प्रहरीले जनाएको छ।
प्रारम्भिक रुपमा अन्दाजी ४/५ करोड जति क्षति भएको जानकारी आएको जिल्ला प्रहरी परिसर काठमाडौंले जनाएको छ। आगलागीको कारण भने खुलेको छैन। यस विषयमा प्रहरीले थप अनुसन्धान गरिरहेको छ।
बुधबार बिहान ७:१० बजेको समयामा बालुवाटारस्थित सुनौलो परिवार नेपाल मेरी स्टोप सर्भिसेजको केन्द्रीय कार्यालयको स्टोर भवनमा आगलागी भएको थियो।
उक्त आगो काठमाडौं महानगरपालिकाको–३, ललितपुर महानगरपालिकाको-१, कीर्तिपुर नगरपालिकाको-१, बौद्ध रामहिटीको-१, नेपाली सेनाको-२ र नेपाल प्रहरीको-१ दमकल तथा १ वाटर क्याननसहित १० वटा दमकल र ५ वटा पानी ट्याङकरले नियन्त्रणमा लिएका थिए।
आगो बिहान ९:३५ बजेतिर नियन्त्रणमा लिइएको जिल्ला प्रहरी परिसर काठमाडौंका प्रवक्ता, एसपी दिनेशराज मैनालीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791196217.png)
-1791194094.png)
-1786602170.png)
-1791090469.jpeg)
