काठमाडौं- युक्रेनी सहरमा रुसी आक्रमण भइरहेको छ। यसैबीच, रुसी मिसाइलले ध्वस्त भएका सहरहरूमा युक्रेनी प्रिमियर लिग फुटबल प्रतियोगिता आयोजना गर्ने तयारी भइरहेको छ। प्रिमियर लिग अगस्ट २० देखि ३ हुने सम्भावना छ।
युरोपेली क्लबहरूको सहयोगमा १६ टोलीले ८ हप्तासम्मको तयारीपछि प्रतिस्पर्धा गर्नेछन्। युक्रेनी राष्ट्रपति भोलोडिमिर जेलेन्स्कीले सोमबार जी–७ राष्ट्रका नेताहरूलाई भिडियोमार्फत् सम्बोधन गरेका छन्। उनले थप हतियार उपलब्ध गराउन माग गरेका छन्।
यसैबीच, युक्रेनी फुटबल टोलीहरूले आफ्नो प्रशिक्षण जारी राखेका छन्। युक्रेनले २४ फेब्रुअरीमा रुसको आक्रमणपछि प्रिमियर लिगका अन्य खेलहरू पुनः सुरु गर्ने तयारी गरेको हो।
प्रिमियर लिग फुटबल प्रतियोगिता कसरी सञ्चालित हुनेछ र खेल कहाँ आयोजना हुनेछन्? यसबारे अन्तिम विवरण आउन बाँकी छ। स्थानीय सञ्चारमाध्यमका अनुसार खेलहरू कीभ, ल्भिभ र उजगोरोडमा हुन सक्नेछ।
युक्रेनी प्रिमियर लिगका कार्यकारी निर्देशक लेभजेन डिकीले एम्स्टर्डममा भएको युरोपेली लिगको बैठकमा अगस्टमा हुने प्रतियोगिताको तयारी गरिरहेको बताए। ‘हाम्रो लक्ष्य युक्रेनमा २०२२–२३ च्याम्पियनसिप गराउनु हो,’ उनले भने।
रुसी आक्रमणपछि युक्रेनी प्रिमियर लिग स्थगित हुँदा शाख्तर डोनेस्क ४७ अंकसहित शीर्ष स्थानमा थियो। यस सिजनमा १८ मध्ये दुई टोली प्रतियोगितामा सहभागी हुने छैन। स्थानीय सञ्चारमाध्यमहरुका अनुसार फुटबल क्लब मारिउपोलले प्रिमियर लिगमा भाग लिने छैन। मारिउपोललाई रूसी सेनाले ध्वस्त पारेको छ।
यता, देसना क्लबले पनि यसमा भाग लिने छैन। अप्रिलमा रुसी बम विष्फोटमा क्लबको स्टेडियम ध्वस्त भएको थियो। यसैबीच, मेटालिस्टले रुसबाट निरन्तर फायरिङको बाबजुद खार्किभ प्रिमियर लिगमा भाग लिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
