काडमाडौं–प्रहरी महानिरीक्षक (आईजी) बढुवाको विवाद मुद्दामा सोमबारको सुनुवाइ सकिएको छ।
सर्वोच्च अदालतका कायममुकाय प्रधानन्यायाधीश दीपककुमार कार्की र न्यायाधीश कुमार चुडालको इजलासमा भएको सुनवाइ अब असार १९ गतेलाई तोकिएको छ।
आफू सिनियर र कार्यसम्पादनमा समेत अघि रहँदा सरकारले जुनियर एआईजी धीरजप्रताप सिंहलाई आईजीमा बढुवा गरेको भन्दै एआइजी विश्वराज पोखरेलले सर्वोच्चमा रिट दायर गरेका थिए। सरकारले सिंहलाई आईजी बनाउने निर्णय खारेज गरेर आफूलाई आईजी बनाउन परमादेश माग गर्दै पोखरेलले गत वैशाख १९ गते सर्वोच्चमा रिट दायर गरेका थिए।
सोमबारको इजलासमा विपक्षीको तर्फको बहस भएको थियो। बहसमा महान्यायाधीवक्ता खम्बबहादुर खातीले आईजी बढुवा सरकारको अधिकारको विषय रहेको उल्लेख गरे। खातीले भने, ‘आईजी बढुवा सरकारको एब्स्योलुट अधिकार हो।’
एआईजी पोखरेल आईजी दाबेदारका पात्र भए पनि आईजीका उपयुक्त पात्र नभएको खातीले तर्क गरे। ‘खातीले भने ज्यष्ठता मात्रै सबै चिज होइन। आईजी बन्ने अन्य आधारहरु पनि छन्। त्यसैमा टेकेर सरकारले सिंहलाई आईजी बनाएको हो’ खातीको तर्क छ।
ऐन, नियमले नै सरकारलाई दिएको अधिकार अदालतले कटौती गर्न नहुने तर्क खातीको थियो।
खाती पछि बहस गरेका नायब महान्यायाधिवक्ता कृष्ण जिबि घिमिरेले पनि सरकारले सही निर्णय गरेको दाबी गरे। पोखरेल एआईजी बढुवा हुँदा नै विवाद भएको र त्यतिबेला राज्य व्यवस्था समितिमा समेत पोखरेललाई बढुवा गर्न नहुने भन्दै कुरा उठेकाले एआईमै विवाद रहेका व्यक्तिलाई आईजी बनाउन नमिल्ने तर्क गरे।
वैशाख २२ गते न्यायाधीश सुष्मलता माथेमाको इजलासले पोखरेलको रिटमा अन्तरिम आदेश नदिई मिति सार्न नमिल्ने गरी अन्तिम फैसला सुनाउन भन्दै जेठ १७ गतेलाई पेसी तोकेको थियो। तर यसअघि नै सिंहसहित रवीन्द्र धानुकलाई एआईजी बनाउने निर्णयमा चित्त नबुझेपछि तत्कालीन डीआईजीहरु घनश्याम अर्याल, इश्वरबाबु कार्की र प्रकाशजंग कार्कीले रिट हालेका थिए। उक्त रिटको मुद्दा समेत आईजी बढुवा विवादको मुद्दामा लगाउमा राखिएको र तर यसका बारेमा विपक्षीको नाममा म्याद तामेल नभएको भन्दै जेठ १७ गतेको पेसी स्थगति भएको थियो।
जेठ १७ गते विश्वम्भर श्रेष्ठ र कुमार चुडालको इजलासले इजलासले जेठ ३० मा मुद्दाको अन्तिम सुनुवाइ गर्न पेसी तोकेका थिए। जेठ ३० गतेबाट कामु प्रधानन्यायाधीश कार्की र न्यायाधीश चुडालको इजलासबाट उक्त मुद्दाको सुनुवाइ भइरहेको छ । ३० गते डीआईजी बढुवाको विषयमा बहस सकेर पोखरेलतर्फका कानून व्यवसायीले बहस सुरु गरेका थिए। त्यसपछि अर्को पेसी असार ५ गतेलाई तोकिएको थियो। असार ५ गते पनि पोखरेल पक्षका कानून व्यवसायीले बहस गरेका थिए।
असार ५ गते पछि आजको पेसीमा विपक्षी तर्फको बहस सुरु भएको हो। सोमबार सरकारी वकिलको तर्फबाट सह–न्याधिबक्ता शोमकान्त भण्डारी, सह–न्याधिबक्ता खेमराज ज्ञवाली महान्यायाधिवक्ता खम्ब बहादुर खाती, नायब महान्यायाधिवक्ता कृष्ण जिबि घिमिरेले बहस गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787673555.png)
-1787673999.jpeg)
-1786602170.png)
-1786513116.png)
