सिरहामा गोली प्रहार गरी हत्या प्रयास, दुई जना पक्राउ

सुरक्षा/अपराध

नेपाल लाइभ आइतबार, असार १२, २०७९ १८:०८

काठमाडौं– सिरहाको लहान नगरपालिका–२२ मा गोली प्रहार गरी हत्या प्रयास भएको छ। लहान बेली जटियाही बस्ने १८ वर्षीय दिलिप कुमार मुखियालाई गोली हानी गम्भीर घाइते बनाइएको छ।

हत्या प्रयासको अभियोगमा सोही नगरपालिका–२२ बेली जटियाही बस्ने १९ वर्षीय सुशान्त चौधरी र १५ वर्षीय किशोरलाई आइतबार बिहान प्रहरीले पक्राउ गरेको छ।

उनीहरू तीन जनासँगै बसिरहेको अवस्थामा सुशान्तले दिलीपलाई गोली हानी घाइते बनाएको प्रहरीले जनाएको छ। घाइते दिलीपलाई प्रादेशिक अस्पताल लहान हुँदै थप उपचारको लागि धरान घोपा रेफर गरिएको छ। उक्त खबर प्राप्त हुनासाथ इलाका प्रहरी कार्यालय लहानबाट खटिएको प्रहरीले उनीहरूलाई पक्राउ गरेको हो।

प्रहरीले सुशान्त चौधरीको साथबाट १ थान पेस्तोल, ५ राउण्ड गोली, १ थान म्याग्जिन र १ थान फायर भएको खोका बरामद गरेको छ।

साथै उनको घर नजिकैको बाँसघारीबाट १ थान कटुवा पेस्तोल, कटुवा पेस्तोलमा लाग्ने ५ राउण्ड गोली र पेस्तोलमा लाग्ने ४ राउण्ड गोली फेला पारी बरामद गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना