चन्द्रागिरि जंगलमा हराएका तीन विदेशीको प्रहरीद्वारा उद्धार

सुरक्षा/अपराध

नेपाल लाइभ आइतबार, असार १२, २०७९ १५:०३

काठमाडौं- काठमाडौंको चन्द्रागिरि जंगलबाट तीनजना विदेशी नागरिकहरुको उद्धार गरिएको छ।

शनिबार साँझ ६ बजेर ५० मिनेटमा तीन जना विदेशी नागरिक चन्द्रागिरिको जंगलमा हराएका सूचना प्रहरी प्रभाग सानेपा, ललितपुरमा प्राप्त भएसँगै उद्धारकार्य सुरु गरिएको प्रहरीले जनाएको छ।

प्रहरीका अनुसार उद्धार गरिएका विदेशी नागरिकहरुमा अमेरिका पोटोरिको घर हुने वर्ष ३४ को डग्लस रो, भारत चन्डिगढ घर हुने वर्ष ३० का नवप्रित डिलोन र भारत मुम्वाइ घर भएका वर्ष २९ का माधव गुप्‍ता रहेका थिए।

उनीहरु हराएको सूचना पाए लगत्तै प्रहरी वृत्त थानकोटबाट तत्कालै प्रहरी उद्धारकर्मीहरु आवश्यक टर्च, डोरी, स्ट्रेचर लगायतका सामाग्रीसहितको १० सदस्यीय टोली उनीहरुको खोजीको लागि परिचालन गरिएको थियो।

हराइरहेका ब्यक्तिहरुसँग सम्पर्क गरी उनीहरु रहेको स्थानबारे यकिन गरिएको प्रहरीले जनाएको छ।

उक्त स्थान थानकोटबाट करिब ७ किमि माथि जंगलको थानकोट-चित्लाङ सडकखण्डमा रहेको र उनीहरुलाई सडकबाट करिब सय मिटर तल भिरमा फसेको अवस्थामा फेला पारिएको थियो।

उनीहरुलाई उद्धार डोरीलगायतको प्रयोग गरी सुरक्षित साथ उद्धार गरी प्रहरी वृत्त थानकोटमा ल्याई साथीहरुको जिम्मा लगाइएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुक्खा हिउँदले आफूहरूलाई मार परेको बिजुली उत्पादकहरूको गुनासो

जनस्वास्थ्य सुरक्षाका लागि कुष्ठरोगी र हात्तीपाइले प्रभावितलाई स्वास्थ्य बीमा

जङ्गली रातो बाँदर 'कृषि हानिकारक वन्यजन्तु' घोषणा, के के छन् सर्तहरु?