लागूऔषध दुर्व्यसनबाट युवालाई जोगाउन सरकार प्रतिबद्ध छ : गृहमन्त्री खाण

सुरक्षा/अपराध

नेपाल लाइभ आइतबार, असार १२, २०७९ १२:४५

काठमाडौं– गृहमन्त्री बालकृष्ण खाणले लागू पदार्थको दुर्व्यसनबाट युवा पुस्ताको सुन्दर भविष्य बचाउन र नागरिकरको रक्षा गर्न सरकार प्रतिबद्ध रहेको बताएका छन।

लागूऔषध दुरुपयोग तथा ओसारपसारविरुद्धको अन्तर्राष्ट्रिय दिवसका अवसरमा गृह मन्त्रालयले आइतबार काठमाडौंमा गरेको कार्यक्रममा गृहमन्त्री खाणले लागूपदार्थको दुर्व्यसनबाट युवालाई बचाउनु सबैको दायित्व भएको बताएका हुन्।

लागूपदार्थको दुर्व्यसनका कारणले समाजलाई गम्भीर असर पारेको र त्यो असर सबैभन्दा बढी युवा पुस्तामा परिरहेको उनको भनाइ छ। गृहमन्त्री खाणले युवा पुस्तालाई दुर्व्यसनीबाट बचाउनु सरकार र समाज सबैको दायित्व भएको उल्लेख गरे।

युवा पुस्ताको भविष्य सुन्दर बनाउन सरकारले आगामी दिनमा जन जागरुकताका कार्यक्रम ल्याउन, पाठ्यपस्तकमा लागूऔषध दुर्व्यसनका असरबारेका विषयवस्तु समावेश गरेर विद्यार्थीलाई बेलैमा जानकारी गराउन र दुर्व्यसनीमा परेका युवाहरुलाई सुधार गर्न विशेष अभियान सञ्चालन गर्ने मन्त्री खाणको भनाइ छ।

उनले लागूऔषध दुर्व्यसनीर्ला कम गर्न सरकार संवेदनशील भएर काम गरिरहेको बताए। ‘नेपालमा लागूपदार्थ चुनौतीको रूपमा आइरहेको छ। लागूपदार्थ दुर्वसनका कारणले समाजलाई गम्भीर असर पारेको छ। अझ बढी असर त युवापुस्तामा देखिएको छ। हाम्रो युवा पुस्तालाई दुर्व्यसनबाट कसरी बचाउने भन्ने हामी सबैको दायित्व हो,’ गृहमन्त्री खाणले भने, ‘सरकार यो संवेदनशील विषयमा आफ्ना नागरिकको रक्षा र युवा पुस्ताको सुन्दर भविष्य बचाउन प्रतिबद्ध छ।’

उनले अहिले लागूपदार्थका अपराधमा दोषी देखिएका ६ हजारभन्दा बढी कारागारमा रहेको र मुलुकभर हुने अपराधिक गतिविधिमध्ये ८ प्रतिशतभन्दा बढी लागूपदार्थसँग सम्बन्धित रहेको उनले बताए।

कार्यक्रममा गृहसचिव टेकनारायण पाण्डे र नेपाल प्रहरीका महानिरीक्षक धिरजप्रताप सिंहले लागू्औषधमुक्त परिवार, समाज र राष्ट्र निर्माण गर्न सबै नागरिकहरू आफ्नो तर्फबाट सचेत हुन आवश्यक रहेको बताए।

कार्यक्रममा लागूऔषध विरुद्ध कार्य गर्ने विभिन्न संघ–संस्थालाई सम्मान गरिएको थियो।

कार्यक्रम अघि राष्ट्रिय सभा गृहबाट सुरु भएर भद्रकाली, सुन्धारा, न्यूरोड, रत्नपार्क बागबजार हुँदै पुनः राष्ट्रिय सभासम्म प्रभातफेरीको आयोजना गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुक्खा हिउँदले आफूहरूलाई मार परेको बिजुली उत्पादकहरूको गुनासो

जनस्वास्थ्य सुरक्षाका लागि कुष्ठरोगी र हात्तीपाइले प्रभावितलाई स्वास्थ्य बीमा

जङ्गली रातो बाँदर 'कृषि हानिकारक वन्यजन्तु' घोषणा, के के छन् सर्तहरु?