काठमाडौं- विश्व फुटबलको सर्वोच्च निकाय फिफा वरीयतामा नेपाल ८ स्थान तल झरेको छ। फिफाले बिहीबार सार्वजनिक गरेको नयाँ वरीयतामा नेपाल १७६औं स्थानमा पुगेको हो।
अघिल्लो वरीयतामा नेपाल १६८औं स्थानमा रहेको थियो। नेपाल दक्षिण एसियाली राष्ट्रको वरीयताको तेस्रो स्थानमा रहेको छ।
नेपालभन्दा अघि भारत, अफगानिस्तान र माल्दिभ्स रहेको छ। भारत १०४औं स्थानमा रहेको छ। यता, अफगानिस्तान १५४ र माल्दिभ्स १५६औं स्थानमा रहेको छ।
नेपालभन्दा तल बंगलादेश १९२औं, भुटान १८६औं, पाकिस्तान १९६औं र श्रीलंका २०७ औं स्थानमा रहेका छन्।
नयाँ वरीयताको शीर्ष स्थानमा ब्राजिल रहेको छ। यस्तै, बेल्जियम दोस्रो, तेस्रोमा अर्जेन्टिना, चौथोमा फ्रान्स र पाँचौ स्थानमा इंग्ल्यान्ड रहेका छन्।
स्पेन छैटौं, इटाली सातौं, नेदरल्यान्ड्स आठौं, पोर्चुगल नवौं र डेनमार्क दशौं स्थानमा रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
