एक हप्तादेखि बन्धक बनाइएका वीरगञ्जका पुरुषलाई हेटौंडाकाे होटलबाट उद्धार

सुरक्षा/अपराध

नेपाल लाइभ बुधबार, असार ८, २०७९ १६:३२

काठमाडौं– पैसाका लागि एक हप्तादेखि होटलमा बन्धक बनाइएका एक पुरुषलाई प्रहरीले उद्धार गरेको छ। हेटौंडाको बसपार्कस्थित ट्राभल एण्ड लजमा बन्धक बनाइएका पर्सा वीरगञ्ज महानगरपालिका–१९ का २७ वर्षीय अमन कुमार श्रीवास्तवलाई प्रहरीले उद्धार गरेको हो।

असार ६ गते बिहान साढे ११ जबेतिर प्रहरीले जेठ २९ गतेदेखि होटलमा बन्धक रहेका श्रीवास्तवलाई होटलको कोठा नम्बर १०७ बाट उद्धार गरिएको मकवानपुर प्रहरीले जनाएको छ।

परिवारका सदस्यले श्रीवास्तवलाई बन्धक बनाएको र बन्धकमुक्त बनाउनका लागि आर्थिक रकम माग गरेको भन्दै प्रहरीमा निवेदन दिएका थिए।

यस्तै, प्रहरीले श्रीवास्तवलाई बन्धक बनाउने तीन जनालाई पनि नियन्त्रणमा लिएको छ। हेटौंडा उपमहानगरपालिका–१५ का २९ वर्षीय सुरेश लामा, २१ वर्षीय समिर बल र २८ वर्षीय अशोक लामालाई बन्धक बनाएको आरोपमा पक्राउ गरिएको हो।

उनीहरुविरुद्ध जिल्ला अदालत मकवानपुरबाट पाँच दिनको म्याद थप भइ अनुसन्धान भइरहेको मकवानपुर प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विद्युत् महसुल नतिर्ने ग्राहकका लाइन काटिए

केवलकारको विषयमा झडप हुँदा गोली लागेका ३ जनाको अवस्था गम्भीर

मदन राई बाल यौन दुरूपयोगमा अदालतबाट दोषी ठहर