काठमाडौं– अखिल नेपाल फुटबल संघ (एन्फा) को २१औं केन्द्रीय कार्यसमितिको साधरणसभाबाट पंकजविक्रम नेम्वाङबाट ७ र कर्माछिरिङ शेर्पा प्यानलबाट ४ गरी ११ जना सदस्य निर्वाचित भएका छन्।
१३ सदस्य चुनिने व्यवस्था भएपनि ४ जना उम्मेदवारको समान ३९ मत आएको थियो। त्यसपछि पुन: निर्वाचन गराउन नसकिने भन्दै विशेष साधरण सभाबाट ४ जनाबीच निर्वाचन गराई २ सदस्य छानिने एन्फाले जनाएको छ।
दीपक थापा क्षेत्री, दिपेन्द्र धिमाल, रुपेश अधिकारी र लोकेन्द्र गुरुङले समान ३९ मत पाएका छन्। यीमध्ये दीपक, रुपेश र लोकेन्द्र शेर्पा प्यानलका उमेदवार हुन्। एन्फाको विधान, फिफा र एएफसीको नियमहरु सबै विचार गरेर फिफा र एएफसीकै प्रतिनिधिहरुको राय र सुझावमा एन्फाले निर्वाचनको मिति तोक्ने र निर्वाचन समितिले ११ जना सदस्यलाई निर्वाचित घोषणा गरेका छन्।
मनिष जोशी ४८, अनिल मल्ल ४७, रविन्द्र चन्द ४६, विकास नारायण श्रेष्ठ ४४, भोजराज शाही ४४, महेन्द्र क्षेत्री ४४, पुरुषोत्तम थापा ४३, रमेश व्यन्जनकार ४३, मनिराज विष्ट ४२, टिकाराम लामा ४१ र भरत बुढ थापा ४० मत पाएर निर्वाचित भएका छन्।
निर्वाचित हुनेमध्ये मनिष, रमेश, मणि, टिका र भरत शेर्पा प्यानलका हुन्। भरत अन्तिम समयमा नेम्वाङ प्यानलमा पुगेको कारण उनलाई दुवैतर्फबाट मत खसेको थियो। अनिल, रविन्द्र, विकास, भोजराज, महेन्द्र र पुरुषोत्तम नेम्वाङ प्यानलका हुन्।
रामराज गुरुङ ३८, अनिल श्रेष्ठ ३७, नेपाल कार्की ३६, प्रदेशसिंह राठौंर ३६, विनोद लामा तामाङ ३६, तपेश्वर कुमार, राउत कुर्मी ३४, विजय घले ३४, निरोज खड्गी ३३, प्रविणकुमार यादव ३२, प्रविनकुमार सिलवाल ३२, मुखिया लामा ३२, मिलन गुरुङ १८, सुरेन्द्र शिख्रकार १२, सुन्दर थापा क्षेत्री ९, कुमार कटवाल ५ मत पाए।
१३ सदस्यका लागि ३६ जनाको उम्मेदवारी परेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766928868.png)
-1766648928.png)
