काठमाडौं– नेपाली फुटबलको सर्वोच्च निकाय अखिल नेपाल फुटबल संघ (एन्फा)को चुनावी साधारणसभा भोलि (सोमबार) बिहान ९ बजे सुरु हुने भएको छ।
बुढानिलकण्ठस्थित पार्क भिलेज रिसोर्टमा हुने साधारण सभाले आगामी चार वर्षको लागि नयाँ नेतृत्व चयन गर्नेछ।
एन्फाको नयाँ नेतृत्वका लागि सोमबार हुने चुनावमा अध्यक्षमा वर्तमान अध्यक्ष कर्माछिरिङ शेर्पा, वरिष्ठ उपाध्यक्ष पंकज नेम्वाङ र फ्रेन्ड्स क्लबका पूर्वअध्यक्ष राजीव पौड्यालबीच प्रतिस्पर्धा हुने छ।
८४ जना मतदाता रहेको एन्फामा अध्यक्षका लागि राजनीतिमा लामो समयदेखि सँगै रहेका वर्तमान अध्यक्ष शेर्पा र वरिष्ठ उपाध्यक्ष नेम्वाङले भने २१ सदस्यीय कार्यसमितिमा प्यानल नै बनाएर अघि बढेका छन्। पौड्याल भने एक्ला प्रतिस्पर्धी हुन्।
एन्फाका महासचिव इन्द्रमान तुलाधारका अनुसार बिहान ९ बजे ‘ओपनिङ सेसन’ रहेको छ।
उनले भने, ‘चुनावी प्रक्रिया कस्तो हुने भन्नेबारे आइतबार बस्ने कार्यसमितिको बैठकपछि मात्रै निश्चित हुनेछ।’ यस कार्यसमितिको अन्तिम बैठक आइतबार साँझ ५ बजे बस्दैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
