जाजरकोट– रुकुम पश्चिमको आठबिसकोट नगरपालिका–११ चिसापनी नजिकै जिप दुर्घटना हुँदा चालक र सहचालकको मृत्यु भएको छ।
रुकुमको राडीबाट रिम्नातर्फ छुटेको ग१ज १८९७ नम्बरको जिप दुर्घटना हुँदा त्यसका चालक र सहचालकको घटनास्थलमै मृत्यु भएको हो।
इलाका प्रहरी कार्यालय आठबिसकोटका अनुसार शनिबार साँझ भएको दुर्घटनामा मृत्यु हुनेमा चालक बाँफिकोट गाउँपालिका–८ दुलिका कविराम विक र सहचालक मुसिकोट नगरपालिका–११ का कमल खड्का छन्।
जिपमा चालक र सहचालक मात्र रहेको जनाइएको छ। प्रहरीका अनुसार जिप अनियन्त्रित भई भेरी नदीमा खसेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
