काठमाडौं– निर्वाचन आयोगले असार १ गतदेखि मतदाता नामावली संकलन सुरु गरेपछि राष्ट्रिय परिचयपत्र वितरण समेत सुरु भएको छ। अहिले देशभर नै निर्वाचन आयोगले मतदाता नामावली संकलन गरिरहेको छ।
सरकारले राष्ट्रिय परिचयपत्र वितरण सुरु गरे पनि सेवा लिन आउने सर्वसाधारणले भने सजह रुपमा सेवा नपाएको भन्दै गुनासो गरेका छन्।
काठमाडौं महानगरपालिका भित्रका नागरिकको लागि राष्ट्रिय सभागृहमा राष्ट्रिय परिचय पत्र बनाउने व्यवस्था गरिएको छ। परिचयपत्र बनाउनको लागि सर्वसाधरणहरु विहान ४ बजेदेखि नै लाइनमा बसे पनि बेलुका ४ बजेसम्म पालो नआएको गुनासो गरेका छन्।
काठमाडौं महानगरपालिका वडा नम्बर २ का जगतमोहन श्रेष्ठले आफू बिहीबार बिहान ४ बजेदेखि लाइनमा बसे पनि साँझ ४ बजेसम्म पालो नपाएको गुनासो गरे। अनलाइन फर्म भरेर आएपछि फोटो खिच्ने काम भए पनि धेरै समय लागेको उनको भनाइ छ।
अर्का सर्वसाधारण हिमबहादुर बोहोराले जिल्ला प्रशासन कार्यलयले सभागृहमा पठाए पनि सभागृहमा आज काम नहुने भन्दै भोलि (शुक्रबार) मात्रै काम हुने भनेर फर्काइएको बताए। बोहोराले भने, 'विहानदेखि लाइन बसियो। तर, पालो आएपछि आज काम नहुने भनेर फर्किनु पर्यो।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
