काठमाडौं- आसन्न साफ यू–२० च्याम्पियनसिप र एएफसी यू–२० एसियन कप छनोटको लागि प्रारम्भिक चरणमा ४० खेलाडी छनोट भएका छन्।
झन्डै एक साता चलेको छनोटबाट नेपाली यू–२० टोलीका मुख्य प्रशिक्षक मेघराज केसीले ४० खेलाडीलाई प्रारम्भिक चरणमा बन्द प्रशिक्षणमा बोलाएका हुन्।
अखिल नेपाल फुटबल संघ (एन्फा)का अनुसार बन्द प्रशिक्षणमा ६ गोलरक्षक, १३ डिफेन्डर, १४ मिडफिल्डर र ७ फरवार्ड बोलाइएको छ। प्रशिक्षण सोमबारबाट सुरु हुने एन्फाले जनाएको छ।
यू–२० साफ च्याम्पियनसिप भारतमा २५ जुलाईदेखि ३ अगस्टसम्म हुँदैछ। नेपालले माल्दिभ्ससँग २५ जुलाईमा, श्रीलंकासँग २७ जुलाईमा, ३१ जुलाईमा भारत र २ अगस्टमा बंगलादेशसँग खेल्ने तालिका छ।
यस्तै, बहराईनमा सेप्टेम्बर १० देखि १८ सम्म हुने एएफसी यू–२० एसियन कप छनोटमा नेपालले कतार, बहराइन, बंगलादेश र भुटानसँग खेल्नेछ। भुटानसँग १० सेप्टेम्बर, १२ सेप्टेम्बर कतार, १४ सेप्टेम्बर बहराइन र १८ सेप्टेम्बर बंगलादेशसँग खेल्ने तालिका छ।
प्रारम्भिक चरणमा छानिएका ४० खेलाडी
गोलरक्षक – ईश्वर गुरुङ, युनेश चौधरी, सौरभ कार्की, जियारथ शेख, अमर बहादुर नेवार र टोप बहादुर राना
डिफेन्डर – अकिव हक्यु, जाम ताम्ली, खेमराज श्रेष्ठ, अमर श्रेष्ठ, सोनित दाहाल, आयुष श्रेष्ठ, अजय चौधरी, सुमन श्रेष्ठ, आश्विन भट्टराई, श्रीजन दानी, रोहन थापा, राज थोकर र अभिषेक वाइवा
मिडफिल्डर – प्रदीप लम्साल, दिपेश गुरुङ, आशिष राई, क्षितिज भण्डारी, सन्दीप कार्की, जन्मजय धामी, सन्जीव लामा, मोहित गुरुङ, कृतिश रत्न छुन्जु, प्रितन स्याङतान, राकेश विश्वकर्मा, विनय बस्नेत क्षेत्री, सुगम सुवाल र मनग्य नकर्मी
फरवार्ड – राज भुषाल, दिपेश राई, माल्दिना आङथुपो, निराजन मल्ल, रोहन खड्गी, रोहित सुब्ब र जविन्द्र भट्टराई
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
