काठमाडौं– राष्ट्रिय प्रजातन्त्र पार्टीका अध्यक्ष राजेन्द्र लिङ्देनले पेट्रोलियम पदार्थमा भएको मूल्यवृद्धि अव्यवहारिक र आपत्तिजनक रहेको जनाएको छ।
खाना पकाउने ग्यास र इन्धनको मूल्य बढाउने निर्णय सरकारको हचुवा र अदूरदर्शी कदम भएको लिङ्देनको टिप्पणी छ।
'श्रङ्खलावद्ध रुपमा पेट्रोलियम पदार्थ र खाना पकाउने ग्यासमा भइरहेको मूल्यवृद्धि अव्यवहारिक र आपत्तिजनक छ। सरकारको हचुवा,अदुरदर्शी कदमबाट आम उपभोक्ता नराम्रोसँग मारमा परिरहेका छन्,' लिङ्देनले सोमबार एक विज्ञप्ति जारी गर्दै भनेका छन्।
पटक–पटक भइरहेको मूल्यवृद्धिको विरोध गर्दै राप्रपाले मूल्यवृद्धिको निर्णय अविलम्ब फिर्ता लिन सरकारसँग माग समेत गरेको छ।
साथै पेट्रोलियम पदार्थमा राज्यले भन्सार र विभिन्न शीर्षकमा लिइरहेको करको पुनर्विचार गरि मूल्य नियन्त्रण गर्न पनि राप्रपाले माग गरेको छ। 'विद्युत उत्पादन, खपत र वैकल्पिक उर्जाको आवश्यक कार्ययोजना ल्याउन राप्रपा सरकारसँग माग गर्दछ,' विज्ञप्तिमा भनिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798392.jpg)
-1786602170.png)
-1787821306.jpg)
-1786513116.png)
