काठमाडौं– टोटेनहम अर्को सिजनको यूईएफए च्याम्पियन्स लिगको लागि छनोट भएको छ।
आइतबार राति इंग्लिस प्रिमियर लिगबाट रेलिगेसनमा परिसकेको नर्विच सिटीको मैदानमा ५-० को फराकिलो जित हात पार्दै टोटेनहमले च्याम्पियन्स लिगमा स्थान पक्का गरेको हो।
टोटेनहमको जितमा ह्युङ मिन सन र डेजान कुलुसेभ्सकीले २-२ गोल तथा ह्यारी केनले १ गोल गरे।
टोटेनहमले खेलको १६औं मिनेटमा कुलुसेभ्सकीको गोलमा अग्रता लिएको थियो।
३२औं मिनेटमा गोलरक्षक टिम क्रुलको फितलो पासको फाइदा उठाउँदै केनले गोल गर्दै टोटेनहम २-० ले अघि बढाए।
दोस्रो हाफको सुरुआतमा कुलुसेभ्सकीले गोल गर्दै ३-० को अग्रता दिलाए। ७०औं मिनेटमा सनले व्यक्तिगत पहिलो गोल गरे।
त्यसको ५ मिनेटपछि सनले व्यक्तिगत पहिलो तथा टोलीका लागि पाँचौ गोल गर्दै जित दिलाए।
जितसँगै टोटेनहमले चौंथो स्थान पक्का गर्ने क्रममा ३८ खेलमा ७१ अंक जोड्यो। यता, आर्सनलले अन्तिम खेलमा एभर्टनमाथि ५-१ को सानदार जित हासिल गरेपनि २ अंकले पछि रह्यो।
आर्सनले ३८ खेलमा ६९ अंक मात्र जोड्यो। आर्सनलले अर्को सिजन युरोपा लिग खेल्नेछ।
आर्सनलको जितमा गाब्रियल मार्टिनेली, इड्डी एनकेटीह, सेड्रिक सोरेस, गाब्रिएल मागल्ही र मार्टिन ओडेगार्डले १/१ गोल गरे।
एभर्टनका डोनी भान डी विकले एक गोल फर्काए। एभर्टन ३९ अंक जोडेर १६औं स्थानमा रह्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
