काठमाडौं– स्थानीय तहको निर्वाचनमा पार्टीको अपेक्षानुसार जित हासिल गर्न नसेकेको भन्दै नेकपा एमालेका मकवानापुर जिल्ला कमिटी अध्यक्ष बद्रीप्रसाद लम्सालले राजीनामा दिएका छन्। सामाजिक सञ्जालमा एक सन्देश लेख्दै उनले पार्टीको सम्पूर्ण जिम्मेवारीबाट अलगत भएको घोषणा गरेका छन्।
पार्टीको जिम्मेवारीबाट अलग भएको घोषणा गरिएको सामाजिक सञ्जालको सन्देशमा उनले पार्टीको नेतृत्वप्रति आक्रोश समेत व्यक्त गरेका छन्।
२०७४ सालको निर्वाचनमा एमालेले मकवानपुरका ६ स्थानीय तहमा जित हासिल गरेको छ। तर, यसपटकको निर्वाचनमा २ वटा स्थानीय तहमा मात्रै जित हासिल गर्यो। एमालेले इन्द्रसरोबर गाउँपालिका र भीमफेदी गाउँपालिकामा मात्र जित्यो।
हेटौंडा उपमहानगरपालिकामा पार्टी विभाजन गरेर गठन भएको एकीकृत समाजवादीले जितेपछि जिल्ला अध्यक्ष लम्सालले राजीनामा घोषणा गरेका हुन्। ‘पार्टीमा अहिलेको परिणामको बस्तुनिष्ठ समीक्षा, मूल्यांकन र आत्मसमीक्षा होला जस्तो लाग्दैन। गठबन्धनको कारण देखाउन सकिन्छ, धाँधली भएको भन्दै वक्तव्य आउन सक्छ,’ उनले लेखेका छन्, ‘अन्तरघात भयो भन्न सकिन्छ, तर यी मात्र कारणले यो परिणाम आएको होइन। मुख्य कारण हामी भित्र नै रहेको छ। पार्टी नेतृत्वदेखि तलसम्म नै घमण्ड, दम्भ, अहंकार अरूलाई देख्दै नदेख्ने। सबै पार्टीलाई एउटै डालोमा राखेर व्यवहार गर्ने नेतृत्वको राजसी जीवनशैली हो।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787239320.jpg)
-1787821305.jpg)
-1786602170.png)
-1787821306.jpg)
-1786513116.png)
