काठमाडौं–६ महानगरमध्ये पोखरा र वीरगञ्ज महानगरपालिकामा शनिबारदेखिमात्र मतदान गर्ने तयारी गरिएको छ।
मतदान सकिएको भए पनि मतपेटिका संकलन कार्य जारी रहेको र राजनीतिक दलका प्रतिनिधिहरुसँगको बैठकपछि उक्त निर्णय गरिने पोखराका प्रमुख निर्वाचन अधिकृत श्रीकृष्ण भट्टराईले जानकारी दिए।
महानगरका विभिन्न वडाहरुको मतपेटिका संकलन भइरहेको छ। सबै मतपेटिकका संकलन भएपछि सर्वदलीय बैठक राखेर निर्णय गरिने उनले बताए। वीरगञ्जका प्रमुख मतदान अधिकृत धर्मराज पौडेलले केही स्थानमा ढिलोसम्म मतदान भएकाले मतगणना शुक्रबार नै हुने सम्भावना न्यून रहेको बताए।
मतपेटिका मिलाउनेदेखि कर्मचारीहरुलाई केही समय आराम दिनुपर्ने भएकाले शनिबार बिहानबाट गणना हुनसक्ने उनले बताए। पोखरामा गठबन्धनका तर्फबाट धनराज आचार्य र एमालेबाट कृष्ण थापा उम्मेदवार छन् भने वीरगञ्जमा एमालेबाट विजय सरावगी र गठवन्धनबाट राजेशमान सिंह मेयरका उम्मेदवार छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
