काठमाडौं– नेपाल प्रहरीले देशभर शान्तिपूर्ण रुपमा नै मतदान भइरहेको जनाएको छ। नेपाल प्रहरी प्रवक्ता एसएसपी विष्णुकुमार केसीले अहिलेसम्म मतदान शान्तिपूर्ण रुपमा भइरहेको जानकारी दिए।
‘केही स्थानमा विवाद भएर मतदान रोकिए पनि सुचारु भइसकेको अवस्था छ,’ उनले भने, ‘दोलखा, हुम्ला, सर्लाही, रामेछाप लगायतका क्षेत्रमा पनि सुचारु भइसकेको छ।’
उनले स्थितिलाई बिग्रन नदिन विवाद र झडप भएका स्थानमा हवाई फायर बाहेक गोली नै चलाउनुपर्ने अवस्था भने नआएको उनले जानकारी दिए।
उनले मतदानलाई शान्तिपूर्ण वातावरणमा सम्पन्न गराउनका लागि उच्च सुरक्षा सतर्कता अपनाइएको पनि जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763370088.png)
