काठमाडौं– स्थानीय तहको निर्वाचनअन्तर्गत विभिन्न पदमा उम्मेदवारी दिएका ९ जना उम्मेदवारको मृत्यु भएको छ। निर्वाचन आयोगका अनुसार देशभरका विभिन्न स्थानीय तहका विभिन्न पदमा उम्मेदवारी दिएका ९ जनाको मृत्यु भएको हो।
उम्मेदवारको मृत्यु भएपछि सम्बन्धित क्षेत्रमा निर्वाचन आयोगले पुन:निर्वाचन कार्यक्रम सञ्चालन भएको छ।
पुन: निर्वाचन कार्यक्रम भएका स्थानीय तहहरूमा सुनुसरीको हरिनगर गाउँपालिका, रौतहटको वृन्दावन नगरपालिका, मोरङको केरावारी गाउँपालीका, कपिलवस्तुको बुद्धभूमि नगरपालिका, कपिलवस्तुकै कपिलवस्तु नगरपालिका र महाराजगंज नगरपालिका छन्। यस्तै, रुपन्देहीको मर्चवारी गाउँपालिका, सिराहाको सिराहा नगरपालिका र दाङको तुलसिपुर नगरपालिकामा पनि पुन:निर्वाचन सुरु गरिएको छ।
सुनुसरीको हरिनगर गाउँपालिका वडा नम्बर ६ मा दलित सदस्यतर्फकी उम्मेदवार मडुवा देवी चमारको मृत्यु थियो। यस्तै, रौतहटको वृन्दावन नगरपालिका वडा नम्बर ५ मा महिला सदस्यतर्फकी उम्मेदवार मिना देवीको मृत्यु भएको थियो।
मोरङ जिल्लाको केरावारी गाउँपालीका वडा नम्बर २ मा वडा सदस्यतर्फका उम्मेदवार नविन लिम्बुको मृत्यु भएको थियो। त्यस्तै, कपिलवस्तुको बुद्धभूमि नगरपालिका वडा नम्बर ८ को वडाध्यक्षका उम्मेदवार ओम प्रकाश तिवारीको मृत्यु भएको थियो। कपिलवस्तु जिल्लाकै कपिलवस्तु नगरपालिका वडा नम्बर १० को वडासदस्यका उम्मेदवार राजेन्द्र थारुको मृत्यु भएको थियो। कपिलवस्तुकै महाराजगंज नगरपालिकाको उप-प्रमुखकी उम्मेदवार शुभावती कुर्मीको मृत्यु भएको थियो।
यस्तै, रुपन्देही जिल्लाको मर्चवारी गाउँपालिका वडा नम्बर ३ दलित सदस्यतर्फकी उम्मेदवार कुसुमी पासिनको मृत्यु भएको थियो। सिराहा जिल्लाको सिराहा नगरपालिका वडा नम्बर ५ को वडा सदस्यतर्फकी उम्मेदवार मुना लेखाको मृत्यु भएको थियो। दाङको तुलसिपुर नगरपालिकाको वडा नम्बर १७ का वडाध्यक्ष पदका उम्मेदवार लभरू चौधरीको मृत्यु भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
