जसपालाई चुनावी तालमेलमा न्यूनीकरण गर्ने प्रवृति आपत्तिजनक: भट्टराई

स्थानीय निर्वाचन

नेपाल लाइभ आइतबार, वैशाख १८, २०७९ ०८:५१

काठमाडौं– जनता समाजवादी पार्टी, नेपालका संघीय परिषद् अध्यक्ष डा. बाबुराम भट्टराईले स्थानीय तह सदस्य निर्वाचनमा भएको तालमेलको विषयलाई लिएर टिप्पणी गरेका छन्। उनले आफ्नो पार्टीलाई चुनावी तालमेलमा पूरै न्यूनीकरण गर्ने प्रवृति भएको भन्दै त्यो आपत्तिजनक रहेको बताएका छन्।

‘जसपालाई चुनावी तालमेलमा पूरै न्यूनीकरण गर्ने प्रवृति आपत्तिजनक छ। बेलैमा ध्यान पुगोस,’ भट्टराईले ट्विट गर्दै भनेका छन्। प्रतिगमन विरोधी आन्दोलनमा सशक्त भूमिका निर्वाह गरेको, पाँच दलीय गठबन्धन र संयुक्त सरकार निर्माणका निम्ति पार्टी फुटको समेत जोखिम जसपाले उठाएको उनले बताएका छन्।

एमसीसी लगायतका राष्ट्रिय मुद्दाहरुमा निरन्तर स्पष्ट अडान राख्ने जसपालाई स्थानीय तह सदस्य निर्वाचनमा तालमेल गर्दा पूरै न्यूनीकरण गर्ने काम भएको उनको भनाइ छ। पाँच दलीय गठबन्धनमा भएको तालमेलको विषयमा नेकपा एकीकृत समाजवादीका अध्यक्ष माधवकुमार नेपालले पनि केही समय अघि असन्तुष्टि व्यक्त गरेका थिए।

प्रतिगमनविरोधी आन्दोलनमा सशक्त भूमिका निर्वाह गरेको,५ दलीय गठबन्धन र संयुक्त सरकार निर्माणनिम्ति पार्टी फुटको समेत जोखिम उठाएको,एमसीसी लगायतका राष्ट्रिय मुद्दाहरूमा निरन्तर स्पष्ट अडान राख्ने जसपालाई चुनावी तालमेलमा पूरै न्यूनीकरण गर्ने प्रवृत्ति आपत्तिजनक छ! वेलैमा ध्यान पुगोस्!
— Baburam Bhattarai (@brb1954) April 30, 2022

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कोशी मुख्यमन्त्रीको कार्यकक्षमा मोबाइल लैजान प्रतिबन्ध

रवीन्द्र मिश्रलाई थप पाँच दिन हिरासतमा राख्न अनुमति

राप्रपा रुपन्देही उपाध्यक्षसहित तीन नेताले दिए राजीनामा