झापामा ब्राउनसुगरसहित २ जना पक्राउ

सुरक्षा/अपराध

नेपाल लाइभ बिहीबार, वैशाख १५, २०७९ ११:२७

बिर्तामोड– झापा प्रहरीले छुट्टाछुट्टै स्थानबाट लागुऔषध ब्राउन सुगरसहित २ जनालाई पक्राउ गरेको छ।

बिशेष सूचनाको आधारमा इलाका प्रहरी कार्यालय अनारमनीबाट खटिएको प्रहरी टोलीले बुधवार दिउँसो बिर्तामोड नगरपालिका–४ का २६ वर्षीय प्रमोद शाहलाई लागुऔषध ब्राउन सुगरसहित पक्राउ गरेको हो।

शाहको घर कोठाबाट प्रहरीले २ ग्राम ३०० मिलिग्राम लागुऔषध ब्राउन सुगर, नगद ११ हजार ५४० र मोबाइल सेट ७ थान समेत बरामद गरेको छ।

यस्तै, बिर्तामोड नगरपालिका–४ को एक होटलबाट लागुऔषध ब्राउन सुगरसहित मेचीनगर नगरपालिका–१ का ३९ बर्षीय ओम चौधरी पक्राउ परेका छन्।

लागुऔषधको ओसार–पसार भइरहेको भन्ने बिशेष सूचनाका आधारमा इलाका प्रहरी कार्यालय अनारमनीबाट खटिएको प्रहरी टोलीले चौधरीलाई बुधवार अपराह्न ४ बजे ९ ग्राम लागुऔषध ब्राउनसुगर सहित पक्राउ गरेको हो।

लागुऔषध सहित पक्राउ परेका दुबै जनाको सम्बन्धमा थप अनुसन्धान भइरहेको जिल्ला प्रहरी कार्यालय झापाले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्जुन ट्रफी राष्ट्रिय क्रिकेट प्रतियोगिता भोलिदेखि सुरु हुँदै

सामाजिक सञ्जाल विधेयकप्रति माओवादी केन्द्रको आपत्ति, परिमार्जन गर्न माग

प्रतिनिधिसभामा ६ वटा अध्यादेश पेस, अर्को बैठक २४ गते बस्ने