विमानस्थलमा पार्क गरिएको विमानबाट अमेरिकी डलर बरामद

सुरक्षा/अपराध

नेपाल लाइभ आइतबार, वैशाख ११, २०७९ १७:२२

प्रतिकात्मक तस्बिर

काठमाडौं– त्रिभुवन अन्तर्राष्ट्रिय विमानस्थलको आन्तरिक उडानतर्फ विमान पार्किङ स्थलमा पार्क गरिएको विमानभित्रबाट प्रहरीले अमेरिकी डलर बरामद गरेको छ। १०० दरका १०८ थान गरी जम्मा १० हजार ८ सय अमेरिकी डलर शनिबार साँझ बरामद भएको प्रहरीको विमानस्थल सुरक्षा कार्यालयले जानकारी दिएको छ।

झापाको भद्रपुरबाट काठमाडौं अवतरण भएको विमानको सिटमा छालाको ह्‍याण्ड ब्यागभित्र वेवारिसे अवस्थामा रहेको उक्त डलर फेला परेको प्रहरीले जानकारी दिएको छ।

बरामद डलर आवश्यक कारबाही र थप अनुसन्धानका लागि राजस्व अनुसन्धान विभाग हरिहरभवन पुल्चोक ललितपुर पठाइएको प्रहरीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्जुन ट्रफी राष्ट्रिय क्रिकेट प्रतियोगिता भोलिदेखि सुरु हुँदै

सामाजिक सञ्जाल विधेयकप्रति माओवादी केन्द्रको आपत्ति, परिमार्जन गर्न माग

प्रतिनिधिसभामा ६ वटा अध्यादेश पेस, अर्को बैठक २४ गते बस्ने