सीवाईसी नेपाल लघुवित्तको आईपीओमा मागभन्दा करिब ७० गुणा बढी आवेदन

बैंक/बिमा/सेयर

नेपाल लाइभ बुधबार, वैशाख ७, २०७९ ०७:१५

काठमाडौं– सीवाईसी नेपाल लघुवित्तको आइपीओमा २ अर्ब ५६ करोड ८८ लाख ४५ हजार रुपैयाँ बराबरको आवेदन परेको छ। सीडीएसका अनुसार अन्तिम दिन मंगलबार (वैशाख ६ गते) साँझसम्ममा २२ लाख ७७ हजार ७४३ जनाले २ करोड ५६ लाख ८८ हजार ४५० कित्ताका लागि आवेदन दिएका छन्।

कम्पनीको सेयरमा माग गरिएको भन्दा ६९.५२ गुणा बढी आवेदन परेको हो। अन्तिम तथ्यांक आउन बाँकी भएकाले सामान्य तलमाथि हुन सक्ने जनाइएको छ।

कम्पनीले वैशाख २ गतेबाट कुल ३ लाख ९५ हजार ३३६ कित्ता साधारण सेयर निष्कासन गरेको हो। कुल सेयरमध्ये १९ हजार ७६६ कित्ता सामूहिक लगानी कोषका लागि र ६ हजार ८२ कित्ता सेयर कर्मचारीहरुका लागि छुट्याइएको छ। बाँकी ३ लाख ६९ हजार ४८८ कित्ताका लागि सर्वसाधारणले आवेदन दिन सक्ने ब्ष्वस्था थियो।

यो आईपीओमा ग्लोबल आइएमई क्यापिटल बिक्री प्रबन्धक रहेको छ। रेटिङ एजेन्सी केयर नेपालले सीवाइसी नेपालको आइपीओलाई ‘केयर एनपी डबल बी माइनस’ प्रदान गरेको छ। जसले कम्पनीको दायित्व बहन गर्ने क्षमतामा औसत जोखिम रहेको जनाउँछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सहकारी ठगी प्रकरण: रविको बयान सकियो

अब पनि झोलामा खोला बोकेर नहिँडौँः सांसद

जनकपुरधाममा जनकपुर बोल्ट्सको ट्रफी परेड