काठमाडौं– स्थानीय चुनावमा भागबन्डा टुंग्याउन गठबन्धनका दलबीच छलफल जारी छ। चुनावी तालमेल र भागबन्डा टुंग्याउन दलहरु केही दिनदेखि लगातार छलफलमा जुठटेका छन्।
महानगर र उपमहानगरको भागबन्डा टुंग्याउन बसेको शीर्ष नेताबीचको बैठकले अझै निर्णय गर्न सकेको छैन। महानगरको विषय टुंग्गिए पनि उपमहानगरमा विवाद कायमै छ। उपमहानगरको विषय झनै पेचिलो बन्दै गएको छ। मधेशका मुख्य सहरमध्ये वीरगञ्ज छाडेपछि जनकपुर आफूले पाउनुपर्ने दाबी कांग्रसेको रहेको छ।
जसपाका नेताहरुले भने जनकपुर आफ्नो पकड क्षेत्र भन्दै आफूले पाउनुपर्ने दाबी गरेका छन्। जनकपुरलाई लिएर विवाद भएपछि मंगलबार मध्यरातसम्म चलेको बैठक विनानिष्कर्ष टुंग्गिएको छ।
बैठक आज (बुधबार) बिहान ११ बजे पुनः बस्ने माओवादी केन्द्रका अध्यक्ष पुष्पकमल दाहाल ‘प्रचण्ड’का स्वकीय सचिव रमेश मल्लले बताए
यसअघि गठबन्धनका दलहरुबीच इटहरी, धरान, कलैया, बुटवल, तुल्सीपुर, नेपालगञ्ज र धनगढी उपमहानगर कांग्रेसले लिने सहमति बनिसकेको एक नेताले बताए
त्यसैगरी हेटौंडा एकीकृत समाजवादीको भागमा परेको छ भने घोराही र जितपुर सिमरा माओवादी केन्द्रको भागमा रहेको छ।
जनकपुरमा विवाद कायमै रहँदा नेपालगञ्जमा पनि सहमति हुन सकेको छैन। नेपालगञ्ज पनि कांग्रेसको भागमा भनिएपनि जसपाको दाबी कायमै रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
