एक साताको अन्तरालपछि सेयर बजारमा हरियाली, १३.३७ अंकले बढ्यो नेप्से

बैंक/बिमा/सेयर

नेपाल लाइभ मंगलबार, वैशाख ६, २०७९ १५:३९

काठमाडौं– झण्डै एक साताको अन्तरालपछि सेयर बजार उकालो लागेको छ। गत हप्ताको बुधबार यता निरन्तर ओरोलो लागिरहेको सेयर बजार मंगलबार दोहोरो अंकले बढेको हो।

साप्ताहिक कारोबारको तेस्रो दिन आज (मंगलबार) सेयर बजार परिसूचक (नेप्से) १३.३७ अंकले बढेर २३५७.२४ विन्दुमा पुग्यो। यो साताको दोस्रो कारोबार दिन सोमबार नेप्से ४१.७७ अंकले घटेको थियो।

मंगलबार सेन्सेटिभ परिसूचक पनि ३.६१ अंकले बढेर ४४७.७६ विन्दुमा पुगेको छ। मंगलबार कूल २२९ वटा कम्पनीको ३२ लाख १३ हजार १९५ कित्ता सेयर खरिदबिक्री हुँदा १ अर्ब ३२ करोड ६८ लाख ६५ हजार ९ सय ३२ रूपैयाँको कारोबार भयो।

कारोबारमा आएका कूल १३ समूहमध्ये मंगलबार सबै समूहको उपसूचक बढेका छन् । मंगलबार सबैभन्दा धेरै 'अन्य' समूह बढेको छ।

मंगलबार पनि नबिल बैंक लिमिटेडको सर्वाधिक कारोबार भएको छ। यस बैंकको ६ करोड ३० लाख ६७ हजार ३ सय ८५ रूपैयाँको कारोबार भएको हो। अघिल्लो कारोबार दिन पनि नबिल बैंककै सर्वाधिक कारोबार भएको थियो ।

मंगलबार दुई कम्पनीको सेयर मूल्यमा सकारात्मक सर्किट लागेको छ । यस दिन नेस्डो समृद्ध लघुवित्त वित्तीय संस्था लिमिटेड र ग्रीन भेन्चर्स लिमिटेडको सेयरमूल्यमा सकारात्मक सर्किट लागेको हो । नेस्डो समृद्ध लघुवित्त वित्तीय संस्था लिमिटेडको सेयरमूल्य आज १० प्रतिशतले बढेर प्रतिकित्ता३ हजार ११ रुपैयाँ ४० पैसा पुगेको छ। त्यस्तै ग्रीन भेन्चर्स लिमिटेडको सेयरमूल्य १० प्रतिशतले बढेर प्रतिकित्ता २ सय ९८ रुपैयाँ १० पैसा पुगेको छ।

मंगलबार दिव्यश्वरी हाइड्रोपावर लिमिटेडको सेयरमूल्य सर्वाधिक घटेको छ। कम्पनीको सेयरमूल्य ८.८२ प्रतिशतले घटेर प्रतिकित्ता २ सय ४८ रुपैयाँमा झरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अब पनि झोलामा खोला बोकेर नहिँडौँः सांसद

जनकपुरधाममा जनकपुर बोल्ट्सको ट्रफी परेड

विचाराधीन विधेयक चाँडो टुङ्ग्याउन सांसदलाई ‘आन्तरिक ह्विप’